नयाँ दिल्ली, १२ सेप्टेम्बर (हि.स.)। ब्रिक्स शिखर सम्मेलनमा सहभागी हुन भारत भ्रमणमा रहेका इरानका राष्ट्रपति मसुद पेजेश्कियनले शनिवार राष्ट्रपति भवनमा राष्ट्रपति द्रौपदी मुर्मूसँग भेटवार्ता गरेका छन्। भेटका क्रममा दुवै नेताबीच द्विपक्षीय सम्बन्धसँग सम्बन्धित विभिन्न विषयमा छलफल भएको छ।
यसअघि शुक्रवार प्रधानमन्त्री नरेन्द्र मोदीले इरानी राष्ट्रपति पेजेश्कियनसँग भेटवार्ता गरेका थिए। उक्त भेटमा दुवै नेताले भारत–इरान द्विपक्षीय सम्बन्धका विभिन्न पक्षबारे छलफल गरेका थिए।
यसअघि इरानी राष्ट्रपतिका छोरी जहरा पेजेश्कियनले आफ्ना पति हसन मजीदीसँग नयाँ दिल्ली स्थित राष्ट्रिय शिल्प संग्रहालयमा रहेको ब्रिक्स बजारको भ्रमण गरेकी थिइन्। उनले ब्रिक्सका सदस्य तथा साझेदार राष्ट्रहरूको कला, हस्तकला तथा सांस्कृतिक सम्पदा झल्काउने विभिन्न सामग्रीको अवलोकन गरेकी थिइन्।
हिन्दुस्थान समाचार / भवानी थामी
