मुम्बई, १९ सेप्टेम्बर (हि.स.)। महाराष्ट्रको पुणे जिल्लामा मुम्बई-बेङलुरु राजमार्गअन्तर्गत नवले पुलनजिक गत राति ब्रेक फेल भएपछि तीव्र गतिमा रहेको कन्टेनरले धेरै सवारीसाधनलाई ठक्कर दिँदा दुई जनाको मृत्यु भएको छ। दुर्घटनामा चार जना घाइते भएका छन्। घाइते सबैलाई नजिकैको अस्पतालमा भर्ना गरिएको छ।

घटनाको जॉंच गरिरहेका पुलिस अधिकारीका अनुसार, गत राति करिब १ बजी सातारा-मुम्बईतर्फ जाँदै गरेको कन्टेनरको पुणेस्थित भुमकर पुलनजिक अचानक ब्रेक फेल भएको थियो। त्यसपछि कन्टेनर अनियन्त्रित भई तीनदेखि चारवटा अन्य सवारीसाधनलाई ठक्कर दियो। दुर्घटनामा दुई जनाको घटनास्थलमै मृत्यु भएको तथा चार जना गम्भीर घाइते भएको पुलिसले जनाएको छ।

घटनाको जानकारी पाएलगत्तै स्थानीय बासिन्दा, पुलिस तथा एम्बुलेन्स घटनास्थल पुगेका थिए। पुलिसले मृतकको शव सवारीसाधनबाट बाहिर निकालेको थियो। मध्यरातमा भएको दुर्घटनाका कारण मुम्बई-बेङलुरु राजमार्गमा केही समयसम्म सवारीसाधनको लामो लाइन लागेको थियो र ठूलो यातायात जाम भएको थियो।

घटनाबारे पुलिसले थप जॉंच गरिरहेको छ।

हिन्दुस्थान समाचार / भवानी थामी