कोलकाता, 28 सेप्टेम्बर (हि.स.)। सोमवार पश्चिम बङ्गालको मौसममा ठूलो परिवर्तन आउने सम्भावना छ। दक्षिण बङ्गालका अधिकांश जिल्लाहरूमा मौसम मुख्यतया शुष्क रहनेछ, यद्यपि केही ठाउँहरूमा हल्का वर्षा वा गर्जनसितै पानी पर्न सक्छ। भारत मौसम विज्ञान विभाग (आइएमडी) अनुसार आगामी 28 सेप्टेम्बरदेखि 01 अक्टोबरसम्म उत्तर बङ्गालको पाहाडी क्षेत्रहरूमा छिटपुट हल्का वर्षा हुने सम्भावना छ भने राज्यका अन्य भागहरूमा मौसम अपेक्षाकृत शुष्क रहने अनुमान लगाइएको छ।

कोलकाता र छेउछाउका जिल्लाहरूमा आंशिक रूपमा बादल रहने सम्भावना छ। आद्रताबीच कतिपय क्षेत्रहरूमा हल्का वर्षा हुने सम्भावना छ। गए आइतवार कोलकातामा अधिकतम तापक्रम 32.4 डिग्री सेल्सियस र न्यूनतम तापक्रम 26.8 डिग्री सेल्सियस रेकर्ड गरिएको थियो। बिहान सापेक्ष आर्द्रता 92 प्रतिशत रह्यो।

दक्षिम बङ्गालका पश्चिम मिदनापुर, झारग्राम, बाँकुरा, पुरुलिया, बीरभूम, पूर्व र पश्चिम बर्दवान, हुगली, हावडा, नादिया र दक्षिण बङ्गालका 24 परगना जिल्लाका कुनै-कुनै ठाउँमा हल्कादेखि मध्यम वर्षा हुने सम्भावना छ। पछिल्ला केही दिनदेखि परेको पानीपछि अब वर्षाको गतिविधि कम हुने सम्भावना छ। आइतवार मेदिनीपुरमा 37 मिलीमीटर अनि पुरुलियामा 20 मिलीमीटर वर्षा रेकर्ड गरिएको थियो।

तटीय क्षेत्रहरूमा पनि मौसम अपेक्षाकृत सामान्य रहने अनुमान गरिएको छ। तर तीव्र हावा र उग्र समुद्री अवस्थाको सम्भावनालाई ध्यानमा राख्दै माछा मधुआराहरूलाई मौसम विभागको निर्देशन पालन गर्न सल्लाह दिइएको छ। आईएमडीको सामुद्रिक बुलेटिन अनुसार बङ्गालको खाडीको उत्तर-पूर्वी भागमा एउटा निम्न चाप क्षेत्र सक्रिय छ जुन अगाड़ि बढ़्ने सम्भावना छ।

उत्तर बङ्गालका दार्जीलिङ, कालेबुङ, जलपाईगुडी, अलिपुरद्वार, कुचबिहार, उत्तर र दक्षिण दिनाजपुर औ मालदाका केही ठाउँहरूमा हल्का वर्षा हुने सम्भावना छ। पाहाड़ी जिल्लाहरूमा आगामी केही दिनसम्म छिटपुट वर्षा जारी रहनेछ।

गए आइतवार राज्यका धेरै भागहरूमा तापक्रम 30 देखि 35 डिग्री सेल्सियसको बीचमा रहेको थियो। जलपाईगुडीमा अधिकतम तापक्रम 35.6, सिलगढ़ी 35.5, कुचबिहार 34.7, दिघा 34.2 र मेदिनीपुर 33.8 डिग्री सेल्सियस रेकर्ड गरिएको छ।

--------

/ बिशाल