कोक्राझार (असम), 29 सेप्टेम्बर (हि.स.)। 'सेवा सङ्कल्प अभियान अन्तर्गत' मङ्गलवार फकिराग्राम कलेजमा 'पैदल यात्री एवं वाहन चालकहरूको व्यवहारमा सकारात्मक परिवर्तनको महत्त्व' विषयमा सड़क सुरक्षा जागरूकता कार्यक्रम आयोजना गरियो। कार्यक्रम कोक्राझार जिल्ला प्रशासन, जिल्ला प्रहरी प्रशासन र जिल्ला यातायात अधिकारी (डीटीओ) कार्यालयको संयुक्त तत्वावधानमा आयोजना गरिएको हो।
कार्यक्रममा मुख्य अतिथिका रूपमा उपस्थित कोक्राझार जिल्ला आयुक्त पङ्कज चक्रवर्तीले सड़क दुर्घटनाहरूको दरलाई घटाउन तथा क्षेत्रमा सुरक्षित यातायात प्रणाली सुनिश्चित गर्नको लागि वाहन चालक, मोटरसाइकल चालक, साइकल चालक र पैदल यात्रीहरूको व्यवहारमा सकारात्मक परिवर्तन आउनुपर्ने आवश्यकतामाथि जोड दिए। उनले वाहन चलाउँदा ट्राफिक नियमको पालना गर्ने, हेलमेट सहित आवश्यक सुरक्षा उपाय अप्नाउने एवं सड़कमा पैदल यात्रीहरूप्रति जिम्मेवारीपूर्वक व्यवहार गर्न अपील गरे।
सभालाई सम्बोधन गर्दै जिल्ला यातायात अधिकारी धजेन बासुमतारी र डीएसपी दीपशिखा छेत्रीले पनि सड़क सुरक्षा तथा ट्राफिक नियमहरू पालन गर्ने महत्त्वमाथि प्रकाश पारे। सड़क दुर्घटनाहरूको रोकथाम गर्ने जिम्मेवारी प्रशासन र पुलिसको मात्र होइन, प्रत्येक नागरिकको जागरूकता अनि जिम्मेवार व्यवहारले पनि यसमा महत्त्वपूर्ण भूमिका निभाउने वक्ताहरूले बताए।
कार्यक्रममा फकिरग्राम कलेजका विद्यार्थी, शिक्षक, जिल्ला प्रशासन, प्रहरी विभागका अधिकारी तथा स्थानीय जनताले भाग लिएका थिए। यस अवधि यातायात नियमहरूको पालना, सड़क सुरक्षाका बारेमा जनचेतना जगाउन एवं दुर्घटना रोक्न सामूहिक जिम्मेवारीको भावना विकास गर्नेमाथि विशेष जोड़ दिइयो।
हिन्दुस्थान समाचार / उष्णता छेत्री शर्मा
