लखनऊ, २९ सेप्टेम्बर (हि.स.)। उत्तर प्रदेशको राजधानी लखनऊको कृष्णानगर थाना क्षेत्रमा निगरानी टोली र स्थानीय पुलिसको संयुक्त कारबाहीमा महिलाको हत्या प्रकरणमा फरार २५ हजार इनामी अपराधीलाई भिड़न्तपछि पक्राउ गरिएको छ। आरोपीको खुट्टामा गोली लागेको छ। उदेखि कट्टा, गोली तथा अन्य सामग्री जफत गरिएको पुलिसले जनाएको छ।
दक्षिणी क्षेत्रका पुलिस उपायुक्त अनुसार, नारायणपुरी निवासी रेखा सिंहले १५ सेप्टेम्बरमा थानामा उजुरी दिँदै आफ्नी छोरी राधाको इँटाले प्रहार गरी हत्या गरिएको जानकारी दिएकी थिइन्। घटनाको अनुसन्धानका लागि तीन वटा टोली गठन गरिएको थियो। घटनास्थल तथा वरपरका क्षेत्रमा रहेका करिब १५०–१७० वटा सीसीटीभी क्यामेराको दृश्य र विद्युतीय प्रमाणको गहन जाँच गरी आरोपीको खोजी भइरहेको थियो।
सोमवार राति जाँचका क्रममा पुलिसले स्कूटीमा सवार एक व्यक्तिलाई रोक्न खोज्दा उ रोक्नुको सट्टा भाग्न थाल्यो। डुडा कोलोनी, आशाराम बापु मार्ग, विजय नगरनजिक पुगेपछि उ असन्तुलित भएर लड्यो। पुलिसले आफूलाई घेरेको देखेपछि आरोपीले गोली चलाउन थाल्यो। पुलिसले गरेको जवाबी कारबाहीमा उसको दाहिने खुट्टामा गोली लाग्यो र उसलाई पक्राउ गरिएको हो।
पक्रा पर्ने आरोपी उन्नाव जिल्लाको नदौहा गाउँ निवासी भोला राजपूत रहेको पुलिसले जनाएको छ। उ हत्या मुद्दामा वान्टेड थियो र उसमाथि २५ हजार रुपियाँको इनाम घोषणा गरिएको थियो। उसलाई उपचारका लागि लोकबन्धु अस्पतालमा भर्ती गरिएको छ। पुलिसले घटनास्थलबाट फरेन्सिक टोलीको सहयोगमा प्रमाण संकलन गरेको छ।
हिन्दुस्थान समाचार / भवानी थामी
