सिलगढ़ी, २९ सेप्टेम्बर (हि.स.)। सिलगढ़ीमा लागुऔषध तस्करी विरुद्ध कारबाही गर्दै पुलिसले लगभग ७०० ग्राम ब्राउन शुगर सहित माल्दाका दुई युवकलाई पक्राउ गरेको छ। विशेष अपरेशन समूह र न्यू जलपाइगढ़ी थाना अन्तर्गत अपराध नियन्त्रण शाखाले संयुक्त रूपमा कारबाही गरेको हो। पक्रा पर्नेमा सनाउल शेख र मोहम्मद राशिदुल हक रहेका छन्।
पुलिस सूत्र अनुसार, गोप्य सूचनाका आधारमा सोमवार राति कावाखाली–पोड़ाझार क्षेत्रमा अभियान चलाइयो। यस क्रममा शंकास्पद रूपमा हिँड़िरहेका दुवै युवकलाई रोकेर तलासी लिइएको थियो। उनीहरूसँग रहेको झोलाबाट लगभग ७०० ग्राम ब्राउन शुगर जफत भएको हो। पुलिसको प्रारम्भिक अनुमान अनुसार जफत लागुऔषधको बजार मूल्य लगभग १५ लाख रुपियाँ रहेको छ।
न्यू जलपाइगढ़ी थाना पुलिसले गरेको प्रारम्भिक अनुसन्धानमा दुवै आरोपी माल्दाबाट लागुऔषध लिएर सिलगढ़ी आएको खुलेको छ। सिलगढ़ीमा उक्त लागुऔषध कसलाई बुझाउनुपर्ने थियो र यस सञ्जालमा अरू को–को संलग्न छन् भन्ने पत्ता लगाउन दुवैसँग सोधपुछ भइरहेको छ।
दुवै आरोपीलाई मंगलवार जलपाइगढ़ी अदालतमा पेश गरिनेछ।
हिन्दुस्थान समाचार / भवानी थामी
