नयाँ दिल्ली, 20 सेप्टेम्बर (हि.स.)। भारतीय जनता पार्टी (भाजपा) का संस्थापक सदस्य, दिल्ली भाजपाका पूर्व अध्यक्ष एवं वरिष्ठ जन प्रतिनिधि प्रोफेसर विजय कुमार मल्होत्राको पहिलो पुण्यतिथिमा दिल्ली भाजपाका अध्यक्ष हर्ष मल्होत्रा सहित पार्टीका वरिष्ठ नेता अनि पदाधिकारीहरूले उनलाई श्रद्धाञ्जली अर्पण गरे।
बुधवरा दिल्ली भाजपा कार्यालयमा आयोजित श्रद्धाञ्जली कार्यक्रममा नेताहरूले प्रो. मल्होत्राको चित्रमा माल्यार्पण एवं पुष्पाञ्जली अर्पण गरे।
यस अवसरमा दिल्ली भाजपाका अध्यक्ष हर्ष मल्होत्राले भने, प्रो. विजय कुमार मल्होत्राको पहिलो पुण्यतिथि सबैका लागि भावुक अवसर हो। उनले भने, प्रोफेसर मल्होत्रा भाजपाका वरिष्ठ नेता, सांसद औ दिल्ली भाजपाका पूर्व अध्यक्ष हुनका साथै सङ्गठनका कुशल कार्यकर्ता तथा अनुशासित व्यक्तित्वका रूपमा सदैव स्मरण गरिनेछ।
हर्प्रोष मल्होत्राले भने, फेसर मल्होत्रा जनसङ्घको समयदेखि नै राजनीतिमा सक्रिय थिए भने दिल्लीमा पार्टी सङ्गठनलाई तल्लो तहसम्म बलियो बनाउनमा महत्वपूर्ण भूमिका निर्वाह गरेका थिए।। उनले आफ्नो राजनीतिक जीवनमा सरलता, सेवा र अनुशासनलाई विशेष महत्त्व दिए।
उनले भने, खेल जगतमा प्रो. मल्होत्राको महत्त्वपूर्ण योगदान रहेको थियो। अखिल भारतीय खेलकुद परिषद् एवं भारतीय धनुर्विद्या सङ्घका अध्यक्षको रूपमा उनले युवाहरूलाई खेलसँग जोड्न अनि खेलकुद गतिविधिहरूलाई प्रोत्साहन गर्नमा गर्न योगदान दिए।
दिल्ली भाजपाका अध्यक्षले भने, प्रो. विजय कुमार मल्होत्राको जीवन सेवा, देशभक्ति तथा समर्पणको उदाहरण थियो। उनले राजनीति र खेलकुद दुवै क्षेत्रमा इमानदारी, अनुशासन एवं टीम भावनाको महत्वलाई स्थापित गरे। प्रोफेसर मल्होत्राको अभाव आज पनि महसूस हुने बताउँदै उनको आदर्श अनि सेवा भावनालाई अगाड़ि बढाउनु नै उनको लागि साँचो श्रद्धाञ्जली हुने उनले बताए।
राज्य सह-प्रभारी दर्शना जरदोश, वरिष्ठ भाजपाका नेता जगदीश मुखी, वेद व्यास महाजन, सुभाष आर्या, आदेश गुप्ता, सुभाष सचदेवा, डा विजय जोली, कर्नेल वी. के. ओबरोय, राज्य पदाधिकारी विष्णु मित्तल, योगिता सिंह, विधायक अनिल शर्मा, राजेश भाटिया, प्रवीण शङ्कर कपूर, कैलाश जैन, विजय सोलङ्की, रञ्जित कश्यप, ऋचा पाण्डे, अभिषेक टन्डन, मनोज कुमार, राज गौतम, अमित गुप्ता, सन्तोष पाल र सीएल मीना लगायत अन्य नेता एवं कार्यकर्ताहरू यस अवसरमा उपस्थित रहेका थिए।
--------
हिन्दुस्थान समाचार / उष्णता छेत्री शर्मा
