पश्चिम बर्दवान, 05 सेप्टेम्बर (हि.स.)। पश्चिम बर्दवान जिल्लाको अन्डाल पुलिस थाना क्षेत्र अन्तर्गत खान्द्रा पञ्चायतको मायरा क्षेत्रमा शनिवार बिहान एक गृहिणीको शव घरभित्र फेला परेपछि खैलाबैला मचियो। घटनापछि मृतकका पति फरार रहेको बताइएको छ। पुलिसले घटनाको अनुसन्धान शुरु गरेको छ।
मृतकाको पहिचान तारा देवी भुइयाको रूपमा भएको छ। उनको शव माइरा डिपो पाड़ा स्थित घरमा फेला परेको छ। घटनाको जानकारी पाएपछि अन्डाल थाना क्षेत्र अन्तर्गत उखड़ा पाण्डीको पुलिस घटनास्थलमा पुग्यो र अनुसन्धान शुरू गऱ्यो।
स्थानीय सूत्रहरू अनुसार, तारा देवीको दुई वटा विवाह भएको थियो। आफ्नो पहिलो पतिबाट अलग भएपछि उनले दोस्रो पटक तपन डोम नामक व्यक्तिसँग विवाह गरिन्। तपन ईसीएलको एउटा खानीमा काम गरिरहेको बताइएको छ।
तारा देवीको पहिलो विवाहबाट दुई छोरी छन्। जेठी छोरी विवाहित छिन् र पारास्कोल क्षेत्रमा बस्छिन् भने कान्छी छोरी आफ्नी जेठी दिदीसँग बस्छिन्।
शनिवार बिहान घरभित्र शव फेला परेपछि सम्पूर्ण क्षेत्रमा आतङ्क फैलियो। घटनापछि मृतकका पति तपन डोमको कुनै पत्तो नपरेको स्थानीयको भनाइ छ।
छिमेकीहरू अनुसार, दम्पतीबीच बारम्बार झगड़ा हुन्थ्यो। यद्यपि घटनाको सही कारण र पतिको सम्भावित भूमिका पुलिसको अनुसन्धान पूरा भएपछि मात्र पुष्टि हुनसक्छ।
पुलिसले शवलाई कब्जा गरी पोस्टमार्टमका लागि पठाएको छ। साथै फरार पतिको खोजी र मुद्दाका सबै पक्षबारे अनुसन्धान भइरहेको छ।
हिन्दुस्थान समाचार / भवानी थामी
