गान्ताेक, 05 सेप्टेम्बर (हि.स.)। मुख्यमन्त्री प्रेमसिंह तामाङले पीएम श्री सरकारी वरिष्ठ माध्यमिक विद्यालय, डिक्लिङकी स्नातकोत्तर शिक्षिका (रसायनशास्त्र) सुषमा तामाङलाई राष्ट्रिय शिक्षक पुरस्कार २०२६ प्राप्त गरेकोमा हार्दिक बधाई दिएका छन्। नयाँ दिल्लीमा आयोजित कार्यक्रममा उनलाई भारतकी राष्ट्रपति द्रौपदी मुर्मूको हातबाट प्रतिष्ठित राष्ट्रिय शिक्षक पुरस्कार प्रदान गरिएको हो।
मुख्यमन्त्रीले सुषमा तामाङको शिक्षा क्षेत्रमा रहेको समर्पण र योगदानले यो प्रतिष्ठित राष्ट्रिय सम्मान प्राप्त गर्नु सिक्किमका लागि अत्यन्तै गौरवको विषय भएको बताएका छन्। उनको यो उपलब्धि राज्यका सम्पूर्ण शिक्षक समुदायका लागि प्रेरणाको स्रोत बनेको पनि उनले उल्लेख गरेका छन्।
मुख्यमन्त्री तामाङले युवा पुस्ताको प्रतिभा विकास गर्न तथा उनीहरूलाई निरन्तर प्रेरित र मार्गदर्शन गर्न सुषमा तामाङको योगदान अझ प्रभावकारी बन्दै जाओस् भन्ने शुभकामना व्यक्त गरेका छन्।
हिन्दुस्थान समाचार / बिशाल
