नयाँ दिल्ली, 0७ सेप्टेम्बर (हि.स.)। प्रधानमन्त्री नरेन्द्र मोदीले सोमबार बिहान सधैँझैँ एक्समा ‘सुभाषितम्’ का रूपमा “शं नो वातः पवतां शं नस्तपतु सूर्यः। शं नः कनिक्रदद् देवः पर्जन्योऽभिवर्षतु॥” श्लोक साझा गरेका छन्। उनले वायु, सूर्य र वरुण देवसँग सबैको कल्याणका लागि प्रार्थना गरेका छन्।

यो श्लोक शुक्ल यजुर्वेद संहिताको ३६औँ अध्यायको १०औँ मन्त्र हो। यस श्लोकमा प्रकृतिका विभिन्न तत्वमार्फत मानव जाति तथा सम्पूर्ण ब्रह्माण्डको कल्याणको प्रार्थना गरिएको छ। प्रधानमन्त्री मोदीले प्रकृति र पर्यावरणप्रतिको आफ्नो जोडलाई दर्शाउँदै यो श्लोक सामाजिक सञ्जाल एक्समा साझा गरेका हुन्।

यसको भावार्थ हो, “हाम्रा लागि वायु कल्याणकारी, सुखद र शुद्ध भएर बहोस्। सूर्यदेव हाम्रा लागि मंगलमय भएर ताप दिऊन्, अर्थात् उहाँको ताप र प्रकाशले हामीलाई जीवन तथा ऊर्जा प्रदान गरोस्, विनाश नगरोस्। दिव्य गर्जना गर्ने मेघ (पर्जन्य देव) ले हामीमाथि जीवनदायी तथा कल्याणकारी जलको वर्षा गरून्।”

यस मन्त्रको महत्वले हाम्रा ऋषिहरूको दृष्टिकोण कति वैज्ञानिक र प्रकृतिमैत्री थियो भन्ने देखाउँछ। मानव जीवन पूर्ण रूपमा स्वच्छ हावा, सन्तुलित घाम र समयमा हुने वर्षामा निर्भर छ। यदि प्रकृतिको यो सन्तुलन बिग्रियो भने- जस्तै वायु प्रदूषण, अत्यधिक गर्मी वा खडेरी/बाढी-सम्पूर्ण मानव सभ्यता संकटमा पर्न सक्छ।

यो मन्त्रले हामीलाई पर्यावरण संरक्षण गर्दै प्रकृतिसँग तालमेल मिलाएर जीवनयापन गर्ने सन्देश दिन्छ।

हिन्दुस्थान समाचार / भवानी थामी