नयाँ दिल्ली, 0७ सेप्टेम्बर (हि.स.)। दिल्लीको सत्य निकेतन क्षेत्रमा भएको दुर्घटनालाई लिएर कांग्रेसले केन्द्र सरकारको रवैयाको निन्दा गरेको छ। पार्टीले दुर्घटनामा विद्यार्थीहरूको मृत्यु भएकोमा दुःख व्यक्त गर्दै घटनाको छानबिन, जिम्मेवारी निर्धारण तथा दोषीमाथि कारबाही गर्न माग गरेको छ।

एनएसयूआईका प्रभारी कन्हैया कुमारले यहाँ कांग्रेस मुख्यालयमा आयोजित पत्रकार सम्मेलनमा घटना भएको लगभग २४ घण्टा बितिसक्दा पनि भग्नावशेष पूर्ण रूपमा हटाउन नसकिएको बताए। घटनास्थलमा रहेको पुलिस प्रशासनले राहत तथा उद्धारको काम मात्र नगरी सत्य लुकाउने काम समेत गरिरहेको उनको आरोप थियो।

एनएसयूआई अध्यक्ष विनोद जाखडले घटना लगभग १ः३० बजी भएको दाबी गर्दै त्यस समय घटनास्थलमा न पुलिसकर्मी, न मेडिकल टोली र न उद्धार टोली नै रहेको बताए। उनी अनुसार, त्यहाँ एउटा मात्र एम्बुलेन्स थियो। उनले घटनाको जानकारी पाएलगत्तै एनएसयूआईका कार्यकर्ता घटनास्थलमा पुगेर विद्यार्थीहरूलाई हरसम्भव सहयोग गरेको बताए। त्यसबेला धेरै विद्यार्थी भग्नावशेषमा पुरिएका थिए र सहयोगका लागि चिच्याइरहेका थिए।

उनले विद्यार्थीहरूलाई बस्न बाध्य पारिने निजी पीजीहरूमा सुरक्षा सम्बन्धी दिशानिर्देशको पालना नगरिने आरोप लगाए। दिल्ली विश्वविद्यालय नजिक विद्यार्थीहरूका लागि पर्याप्त छात्रावास किन छैनन्? पछिल्ला १० वर्षमा विश्वविद्यालयका लागि एउटा पनि छात्रावास किन निर्माण गरिएन? तथा विश्वविद्यालयका जुन जग्गा विवाह समारोहका लागि भाड़ामा दिइँदै आएको छ, त्यहाँ विद्यार्थीहरूका लागि छात्रावास किन निर्माण गरिँदैन? भन्ने प्रश्न समेत उनले उठाए।

एनएसयूआईले दिल्ली विश्वविद्यालयभित्र विद्यार्थीहरूका लागि छात्रावास निर्माण गर्न, अवैध रूपमा सञ्चालन भइरहेका छात्रावास तथा पीजी बन्द गर्न र छात्रावास तथा पीजीका लागि भाड़ा नियन्त्रण एक्ट बनाउन माग गरेको छ। संगठनले मुख्यमन्त्री रेखा गुप्तासँग दुर्घटनाको जिम्मेवारी लिन तथा दोषीमाथि कारबाही गर्न माग गरेको छ।

हिन्दुस्थान समाचार / भवानी थामी