मुम्बई, 21 दिसम्बर (हि.स.)। मुम्बईमा गेटवे अफ इण्डियादेखि एलीफेन्टा गइरहेको नीलकमल डुंगा दुर्घटनामा हराएको साथ वर्षीय बालकको शव शनिवार दिउँसो बचाउ टीमले फेला पारेको छ। यस प्रकार यस घटनामा मर्नेहरूको संख्या बढ़ेर 15 पुगेको छ। यस घटनाको छानबीन कोलाबा पुलिस स्टेशन र नौसेनाको टीमले गरिरहेको छ। यो जानकारी पुलिसले दिएको हो।

पुलिस सूत्रहरू अनुसार, बचाउ टीमले आज दिउँसो जुन बेपत्ता सात वर्षीय बालकको शव भेटायो, उसको पहिचान जोहान मोहम्मद निसार अहमद पठानको रूपमा गरिएको छ। बालक 18 दिसम्बरदेखि नीलकमल डुंगा दुर्घटना भएदेखि हराएको थियो। बालकका आमाको पनि यही दुर्घटनामा मृत्यु भएको थियो। आमा-छोरा गोवाका बासिन्दा थिए। यस अगाड़ी बचाउ टीमले बिहिवार 43 वर्षी हंसराज भाटीको शव भेटाएको थियो। यस प्रकार यस घटनामा कूल मृतकहरूको संख्या 15 पुगेको छ।

भारतीय नौसेनाले शहरको बन्दरगाह क्षेत्रमा भएको सबैभऩ्दा घातक दुर्घटनाहरूमध्ये एक यस नीलकमल डुंगा दुर्घटनाको जाँच शुरू गरेको छ। एक अधिकारीले भने, एसएआर अपरेशन अन्तर्गत हराएका यात्रीहरूलाई खोज्न नौसेनाको एक हेलीकप्टर र नौसेना र तटरक्षक बलका डुंगाहरूलाई तैनात गरिएको थियो। दुवै जहाजमा सवार 113 जनामध्ये 15 को मृत्यु भयो र दुई घाइते सहित 98 जनालाई बचाइएको थियो। नौसेनाको जहाजमा छह जना सवार थिए, जसमध्ये दुई जना बाँचेका थिए।

नौसेना अनुसार, स्पीडबोटमा नयाँ इन्जिन लगाइएको थियो, जसको परीक्षण गरिँदैथियो र अचानक इन्जिनमा खराबी आउँदा स्पीडबोट अनियन्त्रित भएको थियो।

हिन्दुस्थान समाचार / भवानी थामी