लन्दन, 19 मार्च (हि.स.)। इङ्गल्याण्ड र एसेक्सका पूर्व लेग स्पिनर रबिन हब्सको 81 वर्षको उमेरमा निधन भएको छ।
उनको मृत्युको खबरको घोषणा मंगलवार उनका छोरा निकले गरे। उनले एक्समा लेखेका छन्, ‘आज मैले आफ्नो सबैभन्दा राम्रो मित्रलाई अलविदा भने। मेरो मित्र, तिमीलाई शान्ति मिलोस्।’
1967 मा हेडिंग्लेमा भारत विरूद्ध इङ्गल्याण्डमा पदार्पण गर्ने हब्सले चार वर्षको अवधिमा सात टेस्ट म्याचमा 12 विकेट लिए। उनी 1992 मा पाकिस्तान विरुद्ध इयान सेलिसबरीको पदार्पणसम्म इङ्गल्याण्डको निम्ति खेल्ने अन्तिम विशेषज्ञ लेग स्पिनर थिए।
काउनण्टी परिदृश्यमा 1961 मा ट्रेवर बेलीद्वारा हस्ताक्षर गरिएपछि उनी एसेक्स टीमको एक प्रमुख सदस्य बने र 15 सीजनमा कूल 325 प्रदर्शन गरे भने ठीक 26.00 को औसतले 763 विकेल लिए।
उनले 1975 मा क्लब छोडेपछि 1979 सीजनको निम्ति कप्तानको रूपमा प्रथम श्रेणी क्रिकेटमा आश्चर्यजनक वापसीका साथ ग्लेमरगनमा आफ्नो करियर समाप्त गरे। उनको करियरको अन्तिम म्याच 1981 मा कोलचेस्टरमा उनको पूर्व क्लब विरूद्ध थियो, जसमा उनले पॉंच विकेट लिए, यद्यपि उनको टीम यो म्याच हारेको थियो।
हिन्दुस्थान समाचार/भवानी
