नयॉं दिल्ली, 27 अप्रेल (हि.स.)। पंजाब किङ्गस (पीबीकेएस) र कोलकाता नाइट राइडर्स (केकेआर) बिच शुक्रवार खेलिएको इण्डियन प्रीमियर लीग (आईपीएल) 2024 को 42औं म्याचले पुरुष टी20 क्रिकेटको इतिहास फेरि रचेको छ। यसका साथै क्रिकेट अनिश्चितताको खेल रहेको पुन: प्रमाणित गरिदिएको छ।

शुक्रवार राति खेलिएको यस स्पर्धामा धेरै रेकर्ड तोडिएका छन्। यस म्याचमा दुवै टिमको तर्फबाट छक्काको बरसात भयो र एउटा नयॉं कीर्तिमान बन्यो। म्याचमा कुल 42 छक्का लाग्यो, जुन टी20 क्रिकेटमा एउटा नयॉं रेकर्ड हो। यसमा पंजाबको तर्फबाट 24 र केकेआरको तर्फबाट 18 छक्का सामेल छन्।

पीबीकेएस र केकेआरबिच भएको म्याच अवधि हिर्काइएका 42 छक्काले मुम्बई इण्डियन्स सनराइजर्स हैदराबाद र सनराइजर्स हैदराबाद र रोयल च्यालेन्जर्स बेंगलुरुबिच भएको म्याच अवधि लागेका छक्काको रेकर्डलाई तोडिदिएको छ। उक्त म्याचहरूमा 38-38 छक्का लागेको थियो।

आईपीएलको इतिहासमा सबैभन्दा पहिला एक पारीमा सर्वाधिक छक्का आरसीबी र हैदराबादबिच म्याचमा लागेको थियो। उक्त म्याचमा एक पारीमा 22 छक्का हिर्काइएको थियो।

म्याचको कुरा गर्नु हो भने केकेआरले पहिला ब्याटिङ गर्दै 20 ओभरमा 6 विकेट गुमाएर 261 रन बनायो। केकेआरको तर्फबाट फिल सल्ट (75), सुनील नरेन (71) ले अर्धशतक बनाए। यसरी नै वेकटेश अय्यर (39), आन्द्रे रसल (24) र कप्तान श्रेयस अय्यर (28) ले विफोस्टक पारी खेले।

पंजाबको तर्फबाट जनी बेयरस्टोले 108 रन बनाए भने प्रभसिमरन सिंहले 54, रिले रोसेवले 26 र शशांक सिंहले 68 रन बनाउॅंदै 18.4 ओभरमा लक्ष्य हासिल गरे।

हिन्दुस्थान समाचार/भवानी