नागपुर, 19 अप्रेल (हि.स.)। लोकसभा चुनाउको प्रथम चरणमा आज महाराष्ट्रको पॉंचसहित 21 राज्य र केन्द्रशासित प्रदेशका 102 सीटमा मतदान भयो। राष्ट्रिय स्वयंसेवक संघका सरसंघचालक डा. मोहन भागवत र केन्द्रिय सडक परिवतन एवं राजमार्ग मन्त्री नितिन गडकरीले शुक्रवार बिहान नागपुरमा आफ्नो भोट हाले। गडकरी नागपुर सीटमा भाजपाका उम्मेदवार हुन्।
प्रथम चरणमा महाराष्ट्रको नागपुर, रामटेक, भंडारा-गोंदिया, चन्द्रपुर र गढ़चिरौली-चिमूर लोकसभा क्षेत्रमा मतदान भयो। नागपुरमा डा. भागवत, केन्द्रिय मन्त्री गडकरी र महाराष्ट्रका उपमुख्यमन्त्री देवेन्द्र फडणवीससहित धेरै दिग्गजहरूले आफ्नो मताधिकारको प्रयोग गरे। डा. भागवतले बिहान 7:15 बजी नागपुरको महल क्षेत्रको भाऊजी दफ्तरी स्कूलस्थित मतदान केन्द्रमा मतदान गरे।
डा. भागवत बिहान 7 बजी नै मतदान केन्द्र आइपुगेका थिए। उनको साथमा नागपुर महानगर संघचालक राजेश लोया पनि उपस्थित थिए। प्रत्येक चुनाउमा संघ प्रमुख डा. भागवत बिहान सबैभन्दा पहिला मतदान केन्द्र पुग्छन् र यो साल पनि उनले उक्त परम्परा कायम राखे। उनले भने, मतदान हाम्रो अधिकार र कर्तव्य हो। देशमा 100 प्रतिशत मतदान हुनुपर्छ। यस कारण मैले आज मतदानको कर्तव्य पूरा गरे।
भाजपा उम्मेदवार नितिन गडकरीले नागपुर शहरको महल क्षेत्रस्थित टाउन हलमा परिवारको साथमा मतदान गरे। उनको साथमा उनकी धर्मपत्नी कंचन, नानीहरू निखिल—सारंग र बुहारीहरूले मताधिकारको प्रयोग गरे। मतदान केन्द्रमा सुरक्षाको कड़ा प्रबन्ध गरिएको थियो।
यसैगरी, उप मुख्यमन्त्री देवेन्द्र फडणवीस र पंजाबका राज्यपाल बनवारीलाल पुरोहितले धरमपेठ हिन्दी प्राथमिक विद्यालयमा स्थापित मतदान केन्द्रमा मतदान गरे।
हिन्दुस्थान समाचार/भवानी
