मोनाको, 13 जुलाई (हि.स.)। अस्ट्रेलियाकी जेसिका हलले शुक्रवार राति मोनाकोमा हरक्यूलिस ईबीएस वान्डा डायमण्ड लीग मीटिङमा विश्व रेकर्ड बनाउॅंदै अहिलेसम्मकै सबैभन्दा छिटो 2000 मिटर धावक बनेकी छन्। 27 वर्षीय हलले मोनाकोमा 5:19.70 को समयमा आफ्नो दौड पूरा गरिन्। उनले इथियोपियाकी जेनजेबे डिबाबाले 2018 मा बनाएको 5:21.56 सेकेन्डको रेकर्ड तोडेकी छन्।

जित हासिल गरेपछि हलले भनिन्, 'यो अविश्वसनीय थियो। जब म अन्तिम ल्यापमा थिए, सबैले मेरो उत्साहवर्धन गरिरहेको थियो, मैले हप्ताभरि पेरिस रेसलाई आफ्नो खुट्टामा महसुस गरे। मेरो खुट्टा धेरै भारी भए पनि आज मेरो लक्ष्य केवल बलियो हुनु थियो। म भिन्नै गति र थकानको स्तरमा दौडिए, जुन मैले पहिला कहिले पनि गरेको थिइन।

उनले अझ भनिन्, 'निश्चिम रूपमा केही महिलाहरू 5:19 को समय लिएर दौडिन सक्छन्, तर अहिलेको निम्ति भने मेरो नाम इतिहासका पुस्तकहरूमा दर्ता छन्। मैले यो रेकर्डको निम्ति कड़ा परिश्रम गरेको छु।'

मेलिसा कोर्टनी ब्रायन्ट 5:26.08 को ब्रिटिश रेकर्डका साथ दोस्रो स्थानमा रहिन् भने एडिनाह जेबिटोकले 5:26.09 को केन्याई रेकर्ड बनाएर तेस्रो स्थान प्राप्त गरिन्। यूएसएकी कोरी एन मेक्गीले 5:28.78 को क्षेत्रीय रेकर्ड बनाएर चौथो स्थान प्राप्त गरिन्। हलले अब पॉंचौंपल्टकी ओशियन र एक विश्व रेकर्ड धारकको रूपमा पेरिस 2024 ओलम्पिक खेलहरूमा भाग लिनेछन्।

हिन्दुस्थान समाचार / भवानी थामी / बिशाल गुरुङ