खरसाङ, 14 जनवरी (हि.स.)। जोगीघाट युथ वेलफेयर एसोसिएशनले आयोजन गरेको माघे मेलाको चौथो दिनको साँगीतिक कार्यक्रममा बलिवुड गायिका प्रिया भट्टाचार्यले आफ्नो बहुमूल्य उपस्थितिसंगै आफ्नो प्रस्तुतिले मन्त्रमुग्ध पारिन्। उनले झझल्को लिएर आएछ श्रावण, किन बड्दैछ ढुकदुकी मुटुको जस्ता सदाबहार नेपाली गीतहरु गाएर दर्शक श्रोताको मन जीत्न सफल भइन्।

कार्यक्रममा स्थानीय गायकहरु अभिनाष शेर्पा, रिकदेन शेर्पा अनि आकाश गुरुङले पनि आफ्नो प्रस्तुति दिएका थिए। कार्यक्रममा आयोजक समितिको तर्फबाट समाजसेवी बिक्रम राई अनि प्रिया भट्टाचार्यलाई सम्वर्द्धना जनाइयो भने पत्रकार केशर मोक्तान, करुण राईलाई पनि धन्यवाद स्वरुप प्रेमको चिन्ह प्रदान गरियो।

यस अवसरमा बिक्रम राईको तर्फबाट हाम्रो गुम्बा गाँऊका निर्देशक रसिक राईलाई सम्वर्द्धना प्रदान गरियो। उक्त माघे मेला जोगीघाट परिसरमा 10 जनवरीदेखि शुरु भएको हो भने 19 जनवरीसम्म चल्नेछ। आगामी 16 जनवारी साँझ नेपालका ख्यातिप्राप्त गायिका ज्योती मंगरले पनि आफ्नो प्रस्तुति दिनेछिन्।

बलिवुडकी गायिका प्रिया भट्टचार्यले दार्जिलिङ पहाडी भेकका कलाकारहरु अभिनय क्षेत्रमा जो पनि इच्छुक छन् उनीहरुलाई मुम्बईमा लगेर फिल्म क्षेत्रमा कतिवटा काम गराउने आफ्नो मनसाय व्यक्त गर्दै यस क्षेत्रबाट कोही पनि मुम्बईमा गएर अभिनय गर्ने इच्छुक कलाकारले सिटोङका समाजसेवी बिक्रम राईसित चॉंडै सम्पर्क गर्न सक्ने बताइन्। उनीसित हिन्दी सिनेमा जगतका प्रसिद्ध हाँस्य अभिनेता जोनी लिभर पनि आउने भनिएको, तर उनको व्यस्तताका कारण आउन नसकेको बताइएको छ।

हिन्दुस्थान समाचार / हनोक