गान्तोक, 14 जनवरी (हि.स.)। सिक्किम डेमोक्रेटिक फ्रण्ट (एसडीएफ) पार्टीका अध्यक्ष पवन चामलिङले माघे संक्रान्तिको शुभ अवसरमा सिक्किमका जनतालाई आगामी उज्ज्वल र समृद्ध दिनहरूका लागि हार्दिक शुभकामना व्यक्त गरेका छन्।
एसडीएफ अध्यक्षले आफ्नो सन्देशमा भनेका छन्, माघे संक्रान्ति, जसलाई प्रायः संक्रमणको पवित्र चरण मानिन्छ, उत्तरी गोलार्धमा सूर्यको प्रवेशलाई संकेत गर्दछ। मौसमी परिवर्तनको यो क्षणले आशा, नवीकरण र आगामी उज्ज्वल, न्यानो दिनहरूको प्रतिज्ञालाई दर्साउॅंछ।
उनले सिक्किमका जनताको निम्ति खुशी, सद्भाव र प्रशस्तताको कामना गरेका छन्। यो पर्वले फसलको मौसमको सुरुवातलाई पनि जनाउँछ भन्दै प्रकृतिले हामीलाई उदारता र यसले प्रदान गर्ने पोषणको लागि हार्दिक कृतज्ञता व्यक्त गर्न सम्झाउँछ भनी उनले बताएका छन्।
चामलिङले हाम्रा समुदायहरूभित्र एकतालाई बढावा दिँदै र आशावाद र कृतज्ञताका साथ नयाँ ऋतुलाई अँगालेर माघे संक्रान्तिको भावनालाई सम्मान गरौं भनेका छन्। उनले सिक्किमका जनतालाई आनन्दित, स्वस्थ र समृद्ध माघे संक्रान्तिको कामना गरेका छन्।
हिन्दुस्थान समाचार / बिशाल
14 Jan 2025
