दार्जिलिङ, 20 अक्टोबर (हि.स.)। रिम्बिक-लोधोमा समष्टीको भ्रमणको क्रममा दार्जिलिङका सांसद राजु विष्टले फेञ्चेयटारदेखि फेदी खोलाको बीचमा रहेको सडकको तत्काल मर्मत र निर्माणका लागि एमपीएलएडी कोषबाट 50 लाख रुपियाँ समर्पित गर्ने प्रतिबद्धता जनाएका छन्। यस विषयमा आज उनले प्रेस विज्ञप्ति जारी गर्दै भने, आज यो कुरा बाँड्न पाउँदा खुशी छु कि मैले रकम स्वीकृत गरेको छु र जिल्ला प्रशासन कार्यालयमा विवरण पठाएको छु।'

सांसद राजु विष्टले अघि भने, 'मैले जनतालाई प्रतिबद्धता व्यक्त गरेको लोधोमा सार्वजनिक मैदानको पुनर्निर्माणका लागि एमपीएलएडीबाट 10 लाख रुपियाँ पनि स्वीकृत गरेको छु। हालै पैह्रोले रिम्बिक-लोधोमा समष्टीमा अत्यधिक विनाश भएको छ। फेञ्चेटार र फेदी खोलाको दुर्गम क्षेत्रको कारणले गर्दा सरकार र प्रशासनिक पहुँच न्यून छ।'

उनले क्षतिको गम्भीरतालाई ध्यानमा राख्दै जिल्ला प्रशासन कार्यालयले कोष निकासन प्रक्रियालाई तीव्र बनाउनेछ भन्ने आशा व्यक्त गरेका छन्। राहत र पुनर्निर्माण सामग्रीहरू समयमै पीडितहरूसम्म पुग्न र उनीहरूको जीवनलाई छिटोभन्दा छिटो सामान्य बनाउन गतिशीलता सुनिश्चित गर्न यो महत्त्वपूर्ण खण्डको द्रुत पुनर्निर्माण आवश्यक रहेको बताएका छन्।

हिन्दुस्थान समाचार / हनोक