गान्तोक, 31 अक्टोबर (हि.स.)। अपरेशन सद्भावना अन्तर्गत अन्डर-17 बोइज एण्ड गर्ल्स सिक्किम लिगको आयोजनालाई लिएर बिहिवार स्वास्तिकस्थित भारतीय सेनाको 39 फिल्ड रेजिमेन्टको कार्यालयमा एक समन्वय बैठक सम्पन्न भयो। बैठकको अध्यक्षता रेजिमेन्टका कमाण्डिङ अफिसर कर्णल शुभोजित डेले गरेका थिए।

बैठकमा रेजिमेन्टका सेकेन्ड इन कमान्ड लेफ्टिनेन्ट जनरल राजीव, ब्याट्री कमान्डर मेजर जोशी कुमार, सिक्किम फुटबल एसोसिएशनका महासचिव फुर्बा शेर्पा र खेलकुद एवं युवा मामिला विभागका अतिरिक्त निर्देशक आरबी विश्वकर्म सहभागी थिए।

बैठकमा अपरेशन सद्भावना अन्तर्गत अन्डर-17 बोइज एण्ड गर्ल्स सिक्किम लिगको सुचारू आयोजनका लागि भारतीय सेना (39 फिल्ड रेजिमेन्ट), खेलकुद एवं युवा मामिला विभाग र सिक्किम फुटबल एसोसिएशनबीच समन्वयमाथि जोड दिइयो। यस अतिरिक्त, बैठकमा कार्यक्रमको सफल आयोजन सुनिश्चित गर्न रसद, स्थल प्रबन्धन, दलहरूको सहभागिता र खेल तालिकामाथि पनि चर्चा गरियो। उक्त टुर्नामेन्ट फरवरी 2026 मा प्रस्तावित रहेको छ।

हिन्दुस्थान समाचार / बिशाल