गान्तोक, 20 नोभेम्बर (हि.स.)। आकाशवाणी गान्तोकको क्षेत्रीय समाचार एकाइले आज नेपाली, लेप्चा र सिक्किमेली भोटिया भाषाहरूका लागि 19 जना नयाँ भर्ना भएका आकस्मिक समाचारवाचक तथा अनुवादकहरूका लागि इन्डक्सन कार्यक्रम आयोजन गरेको छ।
आकाशवाणीका क्लस्टर प्रमुख नीरज कुमार पाण्डे, कार्यक्रम प्रमुख विनोद कुमार शर्मा, कार्यक्रम कार्यकारी तरुण कुमार घोष, दूरदर्शन केन्द्र, गान्तोककी कार्यक्रम प्रमुख जिकमित लेप्चा, पीआईबीका अधिकारीहरू मानस प्रतिम शर्मा, आरएनयू प्रमुख आकाशवाणी गान्तोक र सेवानिवृत्त आईआईएस अधिकारी सीके दोर्जीको पनि उपस्थिति थियो।
सत्रको क्रममा मानस प्रतिम शर्माले रेडियो पत्रकारका आधारभूत कुराहरूमाथि प्रकाश पारे तथा नयाँ भर्ना भएकाहरूलाई आरएनयू गान्तोकको समाचार तालिका र समाचारवाचकको जनादेशको बारेमा जानकारी गराए। उनले जोड़ दिए अनुसार एक रेडियो पत्रकारले समाचार कक्षमा अर्थपूर्ण योगदान दिन राज्यमा हालैका घटनाहरूको बारेमा अद्यावधिक रहनुपर्छ।
सीके दोर्जीले क्षेत्रीय समाचार एकाइ, आकाशवाणी गान्तोकको इतिहासमाथि ध्यान केन्द्रित गरे तथा यो एकाइ समयसँगै कसरी विकसित भएको छ भन्ने कुरा साझा गरे। नयाँ समूहलाई स्वागत जनाउँदै दोर्जीले क्षेत्रीय समाचारको मुखपत्र बन्ने अवसर पाउँदा उनीहरू भाग्यमानी महसुस गर्नुपर्ने बताए। उनले थप जनाए अनुसार एक क्षेत्रीय समाचार पाठकले प्रसारणमा पढ़िने समाचारको माध्यमद्वारा जनतालाई शिक्षित गर्ने जिम्मेवारी वहन गर्दछ, इमानदारी र शून्य गल्तीहरूको आवश्यकतामाथि पनि जोड़ दिए।
सेवानिवृत्त समाचार वाचक उषा शर्मा र वरिष्ठ समाचार वाचक वन्दना राईले नयाँ नियुक्तिहरूलाई प्रसारणमा समाचार पढ्न के गर्ने र के नगर्ने भन्ने बारेमा जानकारी गराए।
समाचार सम्पादक, आकाशवाणी समाचार गान्तोक मैनाक च्याटर्जीले प्रेरणा कार्यक्रमको समापन गर्दै धन्यवाद प्रस्ताव प्रस्ताव गरे।
---------------
हिन्दुस्थान समाचार / बिशाल
