हङकङ, 28 नोभेम्बर (हि.स.)। विश्वभर आफ्नो चमक–धमकका लागि प्रसिद्ध हङकङ हाल इतिहासकै सबैभन्दा भयावह आगलागीबाट जुझिरहेको छ। आठ वटा बहुतले आवासीय भवन (टावर) मा लागेको आगलागीले आज बिहानसम्म ९४ जनाको ज्यान लिइसकेको अधिकारीहरूले जनाएका छन्। तीमध्ये चार भवनमा लागेको आगो बिहिबार रातिसम्म नियन्त्रणमा ल्याइएको थियो। तीन भवनमा दमकलकर्मीहरूले कड़ा मेहनत गरिरहेका थिए। एउटा टावर सुरक्षित रहेको बताइएको थियो।

अधिकारिहरूका अनुसार, उद्धार कार्यको अन्तिम प्रयास चलिरहेका बेला फेरि आगो भडकियो र वरिपरि पूरा क्षेत्र धुआँले ढाकियो। आगोले प्रभावित सबै टावर ‘ताई पो के वाङ फुक कोर्ट’ क्षेत्रभित्र पर्दछन्।

हङकङमा सबैभन्दा बढी पढिने अखबार द स्ट्यान्डर्ड का अनुसार, अधिकारीहरूले आज बिहान घटनास्थलबाट थप पाँचवटा शव भेटिएको जानकारी दिएका छन्, जसमा दुई बच्चाका शव समेत छन्। बिहिबार साँझ करिब पाँच बजे एक भवनमा आगो पुनः भड्किएको थियो। घटनास्थलमै रहेकाहरूले अग्निनियन्त्रणका लागि उच्च सिँढी प्रयोग गरी पानी छर्केका थिए। रातभरि जीवित व्यक्तिहरूको खोजी अभियान चलाइयो। अस्पतालका कर्मचारीहरूले प्रभावित क्षेत्रबाट पाँच शव बाहिर निकाले, जसमा दुई बच्चा थिए।

दमकल विभागले अहिलेसम्म ९४ जनाको मृत्यु भाएको पुष्टि गरेको छ। ७८ जनाको अवस्था अत्यन्त गम्भीर छ। यी आठ टावरमा करिब २,००० फ्ल्याट रहेका छन्। अधिकारीहरूले हिजो भवन निर्माण कम्पनीका तीन अधिकारीलाई पक्राउ गरिएको बताएका थिए। पक्रा परेकामा दुई निर्देशक र एक परामर्श अभियन्ता छन्। स्वास्थ्य सचिव लो चुङ माउका अनुसार, धेरै मानिसहरूको मृत्यु धुआँका कारण निसास्सिएर भएको छ। पक्रा परेकाहरूविरुद्ध गैर–इरादतन हत्याको मुद्दा दर्ता गरिएको छ।

---------------

हिन्दुस्थान समाचार / बिशाल