सोरेङ, 3 नोभेम्बर (हि.स.)। सिक्किम डेमोक्रेटिक फ्रण्ट (एसडीएफ) का वरिष्ठ उपाध्यक्ष एवं पूर्व जिल्ला प्रभारी विजय प्रधानको अध्यक्षतामा आज पार्टीको एक समन्वय बैठक आयोजन गरियो। बैठक पार्टीको नयाँ रणनीति र जीवन्त संगठन संरचनामा केन्द्रित थियो।

एसडीएफद्वारा आज जारी प्रेस विज्ञप्ति अनुसार, बैठकमा प्रत्येक निर्वाचन क्षेत्रमा पार्टीको कामलाई सुदृढ पार्ने, तृणमूल स्तरका जनताबाट प्रतिवेदन संकलन गर्ने र सिक्किमेली जनता र गान्तोक जिल्लाको समग्र कल्याणको लागि पार्टीको उद्देश्य र नीति कार्यान्वयनलाई सुदृढ पार्न अभियान सुरु गर्ने आदि जस्ता विषयहरूमाथि छलफल भयो।

एसडीएफले भनेको छ, हामी सिक्किमलाई पहिलेको गौरवमा फर्काउने उद्देश्य र दृष्टिकोणका साथ तयारी गरिरहेका छौं, जब सुशासन सत्तामा थियो र हाम्रा जनता अग्रपंक्तिमा थिए। हामी यो दृष्टिकोण प्राप्त गर्न र राज्यको प्रतिष्ठा पुनर्स्थापित गर्न सिक्किमका जनतासँग काम गर्न प्रतिबद्ध छौं।

बैठकमा उपस्थित सदस्यहरूले अन्तरक्रियात्मक सत्रमा गान्तोक जिल्लामा एसडीएफ पार्टी सुदृढीकरण प्रयासहरूमाथि जोड दिए। बैठकमा जिल्ला कार्यकारी समितिका अध्यक्ष कर्म पिन्चो भोटिया, गान्तोक जिल्लाका सल्लाहकार शशि बरदेवा तथा वरिष्ठ नेतृत्वगण उपस्थित थिए।

हिन्दुस्थान समाचार / बिशाल