नयाँ दिल्ली, 14 दिसम्बर (हि.स.)। दिल्ली समेत देशका विभिन्न राज्यहरूमा आइतवार घना कुहिरो छाइरह्यो। मौसम विभागले आउने दिनहरूम सर्दी बढ्ने र घना कुहिरोको चेताउनी दिएको छ।

मौसम विभाग अनुसार, तेलंगाना र कर्नाटकमा 15-16 दिसम्बरमा केही ठाउँ शीतलहर जारी रहने अनुमान छ। उत्तर प्रदेशमा 15-16 दिसम्बर, उत्तरपूर्वी भारतमा 15-19 दिसम्बर, हिमाचल प्रदेशमा 15-17 दिसम्बर र पञ्जाब, हरियाणा, चण्डीगढ र उत्तरपूर्वी मध्य प्रदेशमा 15-16 दिसम्बर बिहानको समय बाक्लो कुहिरो लाग्ने अनुमान छ।

मौसम विभागका अधिकारीहरूले जम्मू- कश्मीर, लद्दाखमा 14-15 दिसम्बरमा हल्का वर्षा र हिमपात हुने चेतावनी दिएका छन्। 17 दिसम्बर रातिदेखि अझ् एक कमजोर विक्षोभ आएको कारण 18-19 दिसम्बरमा पनि हल्का वर्षा र हिमपातको चेताउनी दिइएको छ।

हिमाचल प्रदेश र उत्तराखण्डमा 14-18 दिसम्बरमा 30-30 किलोमिटर प्रतिघण्टाको गतिमा तीव्र चिसो हावा र मेघगर्जनको सम्भावना छ। दिल्ली-एनसीआरमा आगामी केही दिनमा चिसो र बिहानको समय कुहिरो बढ्नेछ। 14-17 दिसम्बरसम्म उत्तर भारतमा बाक्लो कुहिरो लाग्ने अनुमान छ र दक्षिणमा शीतलहर जारी रहने सम्भावना छ।

आज बिहान उत्तर प्रदेशका केही भागहरूमा अत्यधिक बाक्लो कुहिरो लाग्यो, जसले गर्दा दृश्यता 50 मिटरभन्दा कम भयो। पश्चिमी उत्तर प्रदेशको आगरा र पूर्वी उत्तर प्रदेशको प्रयागराजमा सबैभन्दा कम दृश्यता 00 मिटर रेकर्ड गरिएको छ।

पछिल्लो 24 घण्टामा देशका सबैभन्दा चिसो ठाउँहरू मैदानी क्षेत्रका राजगढ (पश्चिमी मध्य प्रदेश) र अम्बिकापुर (छत्तीसगढ) थिए, जहाँ न्यूनतम तापक्रम 5.6 डिग्री सेल्सियस रेकर्ड गरियो।

जम्मू-कश्मीर, हिमाचल प्रदेश, उत्तराखण्ड, पञ्जाब, हरियाणा, दिल्ली, उत्तर प्रदेश, मध्य प्रदेश, छत्तीसगढ र तेलंगाना लगायत अन्य राज्यहरूमा पछिल्लो 24 घण्टामा न्यूनतम तापक्रम 5 डिग्री सेल्सियसदेखि 10 डिग्री सेल्सियससम्म रह्यो। आगामी 7 दिनमा अन्य भारतीय राज्यहरूमा न्यूनतम तापक्रममा कुनै उल्लेखनीय परिवर्तन हुने अपेक्षा गरिएको छैन। मौसम विभागले 14-17 दिसम्बरमा मन्नारको खाड़ी र छेउछाउको कोमोरिन क्षेत्रमा माझीहरूलाई नजान सल्लाह दिएको छ।

हिन्दुस्थान समाचार / भवानी थामी