जम्मू, २७ जुलाई (हि.स.)। अमरनाथ तीर्थयात्राको २०औँ जत्थाअन्तर्गत ३,८२३ जना तीर्थयात्री सोमबार जम्मूस्थित भगवती आधार शिविरबाट बालटालतर्फ प्रस्थान गरेका छन्।
अधिकारीहरूका अनुसार, २०औँ जत्था बिहान २:४७ बजी १४० सवारीसाधनको लस्करसहित प्रस्थान गरेको हो। लस्करमा ८२ वटा बस, २० वटा मध्यम क्षमताका सवारीसाधन र ३८ वटा हल्का मोटर सवारी रहेका थिए। यस जत्थामा २,८८२ पुरुष, ८३८ महिला, दुई बालबालिका, ८४ साधु तथा १७ साध्वी सहभागी रहेका छन्।
जम्मू-श्रीनगर राष्ट्रिय राजमार्ग हुँदै गएको उक्त लस्करलाई जम्मू-कश्मीर पुलिस, सीआरपीएफ तथा अन्य सुरक्षा निकायले कडा सुरक्षा प्रदान गरेका थिए। यात्रुहरूको सुरक्षित आवागमन सुनिश्चित गर्न ट्राफिक अधिकारीहरूले राजमार्गका संवेदनशील क्षेत्रमा विशेष व्यवस्थापन गरेका थिए।
अधिकारीहरूका अनुसार, सोमबारको जत्था प्रस्थान गरेसँगै यस वर्ष जम्मूस्थित भगवती नगर आधार शिविरबाट अमरनाथ यात्रामा प्रस्थान गर्ने तीर्थयात्रीहरूको कुल संख्या १,२७,३२६ पुगेको छ। हिमालय क्षेत्रमा समुद्री सतहबाट ३,८८० मिटरको उचाइमा अवस्थित पवित्र अमरनाथ गुफा मन्दिरको वार्षिक तीर्थयात्रा कडा सुरक्षा व्यवस्थाबीच जारी रहेको छ। यसैबीच सोमबार बालटाल आधार शिविरबाट ४,३३१ जना तीर्थयात्री जम्मूतर्फ फर्किएका छन्।
/ बिशाल
