नयाँ दिल्ली, 15 मार्च (हि.स.)। भारतीय जनता पार्टीका राष्ट्रिय महासचिव तरूण चुघले पञ्जाबको अमृतसरमा एक मन्दिरमाथि ग्रेनेड हमलाको कड़ा निन्दा गरेका छन्। उनले पञ्जाबमा कानून व्यवस्था बिगार्ने शक्तिहरूको पर्दाफास गर्न यस पूरा मामिलाको सीबीआईद्वारा जाँच गराउने माग गरेका छन्।
चुघले क्षेत्रमा बारम्बार भइऱहेको ग्रेनेड हमलाहरूमा चिन्ता व्यक्त गर्दै भने, भगवन्त मान नेतृत्व आम आदमी पार्टीको सरकार राज्यमा विघटनकारी तत्वहरूलाई रोक्नमा पूर्ण रूपमा विफल रहेको छ। पहिले यस प्रकारको हमला पुलिस थानामाथि हुनेगर्थ्यो तर अब मन्दिरलाई लक्षित गरिँदैछ। यो गम्भीर मामिला हो।
चुघले शुक्रवार भाजपा मुख्यालयमा मीडियालाई भने, यस्तो लाग्छ कि राज्यमा साम्प्रदायिक र सामाजिक विभाजन गराउने प्रय़ास भइरहेको छ। पञ्जाबमा आम आदमी पार्टीको सरकार कानून-व्यवस्थाको देखरेख गर्नको सट्टा दिल्लीबाट गएका पार्टी नेताहरूको सत्कार गर्नमा अधिक व्यस्त छ। राज्यमा कानून-व्यवस्थाको स्थिति धेरै नै खराब भएको छ।
उल्लेख्य, अमृतसर जिल्लाको खण्डावाला क्षेत्रको ठाकुरद्वारा मन्दिरमा बाइक सवार दुई अज्ञात युवकहरूले ग्रेनेडले हमला गरे। यो घटना मन्दिर बाहिर लागेको सीसीटीभी क्यामरामा कैद भएको छ।
हिन्दुस्थान समाचार / भवानी थामी
