गुवाहाटी, 01 अप्रेल (हि.स.)। असमका मुख्यमन्त्री डा. हिमन्त बिस्व सरमाले बांग्लादेशको अन्तरिम सरकारका प्रमुख मोहम्मद यूनुसको उक्त बयानको कड़ा निन्दा गरेका छऩ्, जसमा यूनुसले पूर्वोत्तर भारतका सात राज्यलाई 'ल्याण्डलक्ड' र बांग्लादेशलाई उसको समुद्री मार्गको संरक्षक बताएका छऩ्। मुख्यमन्त्रीले यसलाई आपत्तिजनक र अस्वीकार्य बताए।

मुख्यमन्त्रीले मंगलवार सोशल मीडियामा मोहम्मद यूनुसको बयानमा आफ्नो कड़ा प्रतिक्रिया व्यक्त गरे। मुख्यमन्त्री डा. सरमाले भऩे, यो बयान भारतको रणनीतिक 'चिकन नेक' कोरिडोरको संवेदनशीलतालाई दर्शाउँछ। एतिहासिक रूपमा देशभित्र पनि केही तत्वले यस कोरिडोरलाई तोड़ेर पूर्वोत्तरलाई मुख्यभूमिदेखि अलग गर्ने कुरा भनिसकेका छन्, जुन गम्भीर सुरक्षा चिन्ताको विषय हो। उनले यस क्षेत्रमा मजबुत रेलवे र सड़क नेटवर्क विकसित गर्ने आवश्यकतामाथि बल दिए। उनले भने, चिकन नेक कोरिडोरभित्र र वरपर राम्रो कनेक्टिविटीको निम्ति नयाँ इन्फ्रास्ट्रक्चरको निर्माण जरूरी छ। साथै यस्ता वैकल्पिक मार्ग पनि खोजिनुपर्छ, जसले यस कोरिडोरमाथि निर्भरता कम गर्नसकोस्।

मुख्यमन्त्रीले भऩे, यो चुनौतीपूर्ण हो तर सही रणनीति र नवाचारको माध्यमले यसलाई सम्भव बनाउन सकिन्छ। उनले केन्द्र सरकारसित मोहम्मद यूनुसको यस भड्काउ बयानलाई हल्कामा नलिने माग गरे किनभने यसले गहिरो रणनीतिक मनसाय र लामो समयदेखि चल्दै आइरहेको एजेन्डालाई दर्शाउँछ।

हिन्दुस्थान समाचार / भवानी थामी