जगदलपुर, 02 अप्रेल (हि.स.)। नक्सलीहरूले केन्द्रिय गृह मन्त्री अमित शाहको बस्तर प्रवासअघि केन्द्र र राज्य सरकार समक्ष शान्ति वार्ताको प्रस्ताव राखेका छऩ्। नक्सली संगठनले गत 15 महिनामा 400 साथी मारिएको कुरा स्वीकार गर्दै सरकारहरूसित नक्सलीहरू विरूद्ध अपरेशन रोक्ने माग गरेको छ। नक्सलीहरूको यस प्रस्तावमा राज्यका गृहमन्त्री विजय कुमारले भने, पर्चाको जाँच गराइँदैछ। सरकार चर्चाको निम्ति तयार छ, तर यसको निम्ति उचित फोरम बनाउनु पर्ने आवश्यकता छ।

नक्सलीहरूको केन्द्रिय समितिका प्रवक्ता अभयले तेलगु भाषामा एक पर्चा जारी गरी भनेको छ, यदि राज्य र केन्द्र सरकारले नक्सलीहरू विरूद्ध अपरेशन रोक्यो भने हामी शान्ति वार्ताको निम्ति तयार छौं। नक्सलीहरूले आफ्नो पर्चामा यो उल्लेख गरेका छऩ् कि 24 मार्चमा हैदराबादमा नक्सली संगठनको एक बैठक भएको थियो। जसमा बिना कुनै शर्तको शान्ति वार्ताको निम्ति अगाड़ि आउने र बातचीतमा युद्धविरामको घोषणामाथि चर्चा भएको थियो।

नक्सली प्रवक्ता अभयले आफ्नो पर्चामा भनेको छ, हाम्रो दण्डकारण्य स्पेशल जोनल कमिटीको सदस्य र नक्सल संगठनको प्रतिनिधि विकल्पले शान्ति वार्ताको निम्ति आफ्नो शर्त राखेको थियो कि जवानहरूलाई क्याम्पसम्म नै राखियोस्। अपरेशनलाई बन्द गरियोस्, जसपछि बातचीत गर्नेछौं। यी शर्तहरूको जवाफ नदिई लगातार अपरेशन चलाइँदैछ। प्रवक्ताले स्वीकार गरेको छ कि गत 15 महिनामा 400 भऩ्दा धेरै नेता, कमान्डर, पीएलजीएका धेरै स्तरका लड़ाकू मारिएका छन् र सैकड़ौं मानिसहरूलाई पक्राउ गरी थुनामा पारिएको छ। यस्तो स्थितिमा अब जनताको हितमा हामी सरकारसित शान्ति वार्ताको निम्ति तयार छौं।

नक्सली प्रवक्ता अभयले भनेका छन्, हामीले केन्द्र र राज्य सरकार सामू शान्ति वार्ताको निम्ति सकारात्मक माहोल बनाउने प्रस्ताव राखिरहेका छौं। केन्द्र र राज्य सरकारहरूले छत्तीसगढ़, महाराष्ट्र (गढ़चिरौली), ओडिशा, झारखण्ड, मध्य प्रदेश र तेलंगानामा अपरेशनको नाममा हत्याहरू रोकोस्, नयाँ सशस्त्र बलहरूको क्याम्पको स्थापना रोकोस् भन्ने हाम्रो प्रस्ताव छ। यदि केन्द्र र राज्य सरकारहरूले यी प्रस्तावहरूमाथि सकारात्मक प्रतिक्रिया दिए हामी तत्काल युद्धविरामको घोषणा गर्नेछौं।

उल्लेख्य, केन्द्रिय मन्त्री अमित शाह यही हप्ता 05 अप्रेलमा बस्तर सम्भागको नक्सल प्रभावित क्षेत्र दन्तेवाड़ा जाने कार्यक्रम छ। केन्द्रिय मन्त्री शाहको छत्तीसगढ़को समृद्ध आदिवासी संस्कृतिको उत्सव बस्तर पन्डुम 2025 मा लोक कलाकारहरूलाई सम्मानित गर्ने कार्यक्रम छ।

हिन्दुस्थान समाचार / भवानी थामी