डीसा, 01 अप्रेल (हि.स.)। गुजरातको डीसामा मंगलवार बिहान भएको पटेका कारखाना विस्फोटमा मृत्यु हुनेको संख्या 17 पुगेको छ। मृतकप्रति समवेदना व्यक्त गर्दै मुख्यमन्त्री भूपेन्द्र पटेलले परिवारलाई 4 लाख रूपियॉं सहयोगको घोषणा गरेका छन्। साथै घाइतेहरूलाई 50 हजार रूपियॉं दिइनेछ।

घटनापछि गुजरात विधानसभाका अध्यक्ष शंकर चौधरी डीसा पुगे र घाइतेहरूको अवस्थाको बारेमा जानकारी लिन अस्पताल गए। अर्कोतर्फ, विपक्षीले यस विषयमा कडा असन्तुष्टि व्यक्त गर्दै सरकारमाथि लापरवाही गरेको आरोप लगाएको छ।

बनासकांठा जिल्लाको डीसा नजिकै ढुवा रोडमा रहेको जीआईडीसीको पटेका कारखानामा मंगलवार बिहान भएको ठूलो विस्फोटमा मृत्यु हुनेको संख्या बढ्दै गएको छ। मृत्यु हुनेमा 4 देखि 5 जना किशोर रहेको बताइएको छ। पुलिस सुत्रहरू अनुसार, अहिलेसम्म 17 जना कामदारको शव पोस्टमार्टमको लागि लगिएको छ। घाइते 6 जना कामदारको उपचार भइरहेको छ। मृतक सबै मध्य प्रदेशका रहेको बताइएको छ, जो दुई दिन अघि मात्र रोजगारीको लागि डीसा आएका थिए।

राज्यका स्वास्थ्यमन्त्री तथा सरकारका प्रवक्ता ऋषिकेश पटेलले घटनामा संलग्न दुई अभियुक्तलाई पक्राउ गरिएको बताए। अर्कोतर्फ, मृतकका परिवारका सदस्यहरूले कारखाना मालिकलाई उपस्थित गर्नुपर्ने माग गरिरहेका छन्। उनीहरूले कारखाना मालिकलाई प्रस्तुत नगरेसम्म शव स्वीकार नगर्ने बताएका छन्।

विधानसभा अध्यक्ष शंकर चौधरीले दुर्घटनालाई दुर्भाग्यपूर्ण बताउॅंदै अस्पतालमा भर्ना भएका सबै घाइतेहरूलाई राम्रो उपचार दिइने बताए। मुख्यमन्त्रीले यसको जॉंच शुरू गराएको बताउॅंदै दोषीहरूलाई नछोड्ने बताए।

हिन्दुस्थान समाचार / भवानी थामी