नयाँ दिल्ली, 02 अप्रेल (हि.स.)। लोकसभामा बुधवार

वक्फ संशोधन विधेयकमाथि चर्चामा समाजवादी पार्टीका प्रमुख अखिलेश यादवले विषयदेखि

हटेर भाजपाको आगामी राष्ट्रिय अध्यक्षको चयनमा ढिलाईलाई लिएर कटाक्ष गरे। यसमा केन्द्रिय

गृहमन्त्री अमित शाहले त्यही अन्दाजमा वंशवादलाई लिएर सपामाथि कटाक्ष गरे।

लोकसभामा चर्चामा अखिलेशले अनुहारमा व्यंग्यात्मक मुस्कानको साथ भने, भाजपामा

आन्तरिक संघर्ष चलिरहेको छ। एक पार्टीलाई विश्वको सबैभन्दा ठूलो राजनीतिक पार्टी

रहेकाे दाबी गरिन्छ, तर उसले अहिलेसम्म आफ्नो राष्ट्रिय अध्यक्ष छनोट गर्न सकेको छैन।

गृहमन्त्री अमित शाहले उनको टिप्पणीमा

प्रतिक्रिया दिँदै भने, अखिलेशले हाँस्दै-हाँस्दै भनेका छऩ्, यसैले म पनि त्यही

अन्दाजमा जवाफ दिनेछु। मेरो सामू जति पनि पार्टीहरू छन्, त्यसका राष्ट्रिय

अध्यक्षहरूको चुनाउ केही परिवारका सदस्यहरूले नै गर्ने गर्छन्। हामीले 12-13 करोड़

सदस्यमध्ये प्रक्रियापछि रोज्नुपर्ने हुन्छ। यसैले यसमा समय लाग्छ। तपाईको मामिलामा यसमा

धेरै समय लाग्दैन। म भनिरहेछु, तपाई 25 सालसम्म अध्यक्ष बनिरहनु हुनेछ।

हिन्दुस्थान समाचार / भवानी थामी