नयाँ दिल्ली, 03 अप्रेल (हि.स.)। केन्द्रिय वित्‍त राज्‍य मन्त्री पंकज चौधरीले बिहिवार अमेरिकी राष्ट्रपति डोनाल्ड ट्रम्पद्वारा गरिएको भारतमाथि 26 प्रतिशत ट्यारिफ लगाउने घोषणामाथि प्रतिक्रिया व्यक्त गर्दै भने, भारतले पारस्परिक ट्यारिफ वृद्धि एवं देशमाथि यसको प्रभावको मूल्यांकन गरिरहेको छ।

केन्द्रिय वित्‍त राज्‍यमन्त्रीले नयाँ दिल्लीस्थित भारत मण्डपममा पेन्शन निधि विनियामक तथा विकास प्राधिकरण (पीएफआरडीए)-द्वारा आईआईएम, अहमदाबादको सहयोगमा आयोजित 'प्रथम अन्तरराष्ट्रिय पेन्शन शोध सम्मेलन'- मा भने, भारतले पारस्परिक ट्यारिफको प्रभावको समीक्षा एवं मूल्यांकन गर्नेछ। पंकज चौधरीले भने ट्रम्पको लागि यो अमेरिका पहिला हो, तर प्रधानमन्त्री मोदीको लागि यो भारत पहिला हो। हामीले अमेरिकाद्वारा लगाइएको पारस्परिक शुल्कको प्रभावको मूल्यांकन गरिरहेका छौं। वित्‍त राज्‍य मन्त्रीले भने, अमेरिकाको शुल्क वृद्धि तथा देशमाथि यसको प्रभावको मूल्यांकन गरिँदैछ।

उल्‍लेखनीय छ, अमेरिकाका राष्ट्रपति डोनाल्‍ड ट्रम्पले वैश्विक स्तरमा अमेरिकी उत्पादहरूमाथि लगाइएको उच्च शुल्कसित स्पर्धा गर्नका लागि एक ऐतिहासिक कदम उठाउँदै लगभग 60 वटा देशहरूमाथि जवाफी शुल्क लगाउने घोषणा गरेका छन्।

हिन्दुस्थान समाचार / उष्णता छेत्री शर्मा