कोलकाता, 03 अप्रेल (हि.स.)। पश्चिम बंगालमा शिक्षक भर्ती घोटालामाथि सुप्रीम कोर्टले सुनाएको फसेलाले हजारौं परिवारलाई संकटमा पारेको छ। कोर्टको आदेशपछि 26 हजारभन्दा अधिक शिक्षक एवं अशिक्षण कर्मचारीहरूको नोकरी खोसिएको छ। यो फसेलापछि प्रभावित परिवारहरू शोकमा डुबेका छन्। कतिपयले निराशामा आफूलाई सिद्ध्याउने कुरा गरिरहेका छन् भने कतिपय न्यायको आशामा कानूनी लड़ाईँलाई जारी राख्न तयार छन्।

सुप्रीम कोर्टले कलकत्ता हाई कोर्टको फसेलालाई यथावत राख्दै सम्पूर्ण प्यानललाई नै अवैध घोषणा गरिदियो जसबाट हजारौं शिक्षक-शिक्षाकर्मीहरूको नोकरी खोसियो। पश्चिम मेदिनीपुरको तरिया हाई स्कूलमा भूगोल विषयका शिक्षक कृष्णेन्दु दत्तले भने, मेरो परिवारमा एकजना अविवाहित बहिनी छ, बुजुर्ग माता-पिता छन्। अब उनीहरूको पालन-पोषण कसरी गर्नु, सोच्दै डर लागिरहेको छ। तर हामी न्यायको लड़ाईँलाई जारी राख्नेछौं। उनले प्रश्न उठाए, जब सु्प्रीम कोर्टले योग्य-अयोग्यलाई छुट्याएर देखाएपछि सबैको नोकरी किन खोसियो?

हालिशहर आदर्श विद्यालयमा अंग्रेजी शिक्षक चिन्मय मण्डलले भने, यस फसेलाले हामीलाई असहाय बनाएको छ। धेरैजना शिक्षकहरूले निराशाको कारणले आफूलाई समाप्त गर्ने कुरा गरिरहेका छन्। तर म चाहन्छु, यो सही बाटो होइन। हामीले आफ्नो अधिकारको लागि अझ व्यापक स्तरमा आन्दोलन गर्नुपर्छ। तथापि कतिपय मानिसहरू पूर्ण रूपले निराश भइसकेका छन्। प्रभावित शिक्षक प्रताप रायचौधरीले निराश भएर भने, अब मृत्यु नै एकमात्र बाटो बचेको छ।

प्रभावित शिक्षकहरूले प्रश्न उठाइरहेका छन्, के भर्ती घोटालामा सामेल असली दोषी हरूमाथि कुनै कानूनी कारबाही हुन्छ? यस प्रश्नको उत्तर अहिलेघरि कसैसित छैन।

हिन्दुस्थान समाचार / उष्णता छेत्री शर्मा