नयाँ दिल्ली, 02 अप्रेल (हि.स.)। तृणमूल कांग्रेसका सदस्य मोहम्मद नदीमुल हकले बुधवार राज्यसभामा शून्यकालमा सुनीता विलियम्सलाई भारतरत्न दिने माग उठाए।

उनले भने, 286 दिन अन्तरिक्षमा बिताएपछि सुनीता 19 मार्चमा सुरक्षित पृथ्वीमा फर्किन्। सुनीताको यो उपलब्धी सराहनीय हो र पूरा भारतलाई यसमाथि गर्व छ। गुजरातका एक राजनेता, सुनीताका करीबी आफन्त थिए। उनले दिवंगत राजनेताको नाम पनि लिए जो गुजरातका गृहमन्त्री थिए औं 2003 मा उनको हत्या गरिएको थियो। हकले भने, सुनीता 2007 मा भारत आएकी थिइन्, तब उनलाई धेरै सम्मान दिइएको थियो। भारत सरकारले 2008 मा उनलाई पद्मभूषणले सम्मानित गरेको थियो।

यसमा वित्त मन्त्री निर्मला सीतारमणले भनिन्, कसैको निम्ति भारत रत्नको माग गर्नु एउटा कुरा हो। यसमा कुनै दिवंगत नेताको सन्दर्भ दिइनु हुँदैन। त्यस व्यक्तिको सन्दर्भ दिनु सही होइन, जो अहिले हामीसित छैनन्। उनले आसनसित तृणमूल कांग्रेसका सदस्यको कथनको त्यो हिस्सा सदनको कारबाहीबाट हटाइने अनुरोध गरिन्।

राज्यसभा उपाध्यक्ष हरिवंशले भने, जुनैपनि हिस्सा अप्रासंगिक हुनेछ, त्यसलाई कारबाहीबाट हटाइनेछ। शून्य कालमा आम आदमी पार्टीकी सदस्य स्वाति मालीवालले दिल्लीमा रिक्शा चालकहरूका लागि नियम बनाउने माग गरिन्।

हिन्दुस्थान समाचार / भवानी थामी