वारसा (पोल्याण्ड), 30 अप्रेल (हि.स.)। ग्राण्ड चेस टूर 2025 को सुपरबेट ऱ्यापिड एण्ड ब्लिट्ज पोल्याण्ड टुर्नामेन्टमा ब्लिट्ज सेगमेन्टको पहिलो दिन रूसका ग्राण्डमास्टर व्लादिमीर फेडोसेवले उत्कृष्ट प्रदर्शन गर्दै टप पोजिशनमा आफ्नो स्थान पक्का गरेका छन्। अर्कोतिर, भारतका आर. प्रज्ञानानन्द र अरविन्द चिथांबरमको निम्ति यो दिन मिल्दो जुल्दो रह्यो।

फेडोसेवको अपराजेय अभियान जारीऱ्यापिड सेक्शनमा पनि उत्कृष्ट खेल देखाइसकेका फेडोसेवले ब्लिट्जको नौ राउण्डमा एउटै पनि खेल हारेनन्। वर्तमान यूरोपीय च्याम्पियन फेडोसेव अब 19 अङ्कको साथमा पहिलो स्थानमा छन्।

प्रज्ञानान्दको उपलब्धि, दोस्रो स्थानमा पुगेभारतीय ग्राण्डमास्टर आर. प्रज्ञानान्दले ब्लिट्जमा चार स्पर्धामा जित हासिल गरे भने तीनमा पराजित भए। यस प्रदर्शनको दममा उनले कुलमा बढत बनाउॅंदै दोस्रो स्थान हासिल गरे। अब सबैको नजर 30 अप्रेलमा हुने अन्तिम नौ राउण्डमा टिकेको छ।

चिथांबरमको कमजोर शुरुवात, तेस्रो स्थानमा झरेअरविन्द चिथांबरम ब्लिट्ज राउण्डमा फर्ममा देखिएनन्। उनले केवल दुई स्पर्धा जिते भने चारमा हारको सामना गर्नु पऱ्यो। यद्यपि, ऱ्यापित सेगमेन्टमा उनको उत्कृष्ट प्रदर्शनका कारण उनी अझै पनि म्याक्सिम वचिएर लाग्रेव र लेवोन अरोनियनसॅंग संयुक्त रूपमा तेस्रो स्थानमा छन्।

हिन्दुस्थान समाचार / भवानी थामी