कोलकाता, 05 अप्रेल (हि.स.)। टांगराको मथुरबाबु लेन क्षेत्रमा पार्किङलाई लिएर शनिवार सामान्य बहसपछि भएको झगडामा एक व्यक्तिको मृत्यु भएको छ। पुलिसले यस मामिलामा दुई संदिग्धलाई हिरासतमा लिएको छ। मृतकको नाम अरुण कुमार गुप्ता हो। 48 वर्षीय मृतक पेशाले केरोसिन तेल विक्रेता थिए।

जानकारी अनुसार, शनिवार दिउॅंसो मथुरबाबु लेनमा अरुण गुप्ताको स्कूटर पार्किङलाई लिएर स्थानीय आर्यन साव र गौरव सावबीच बहस शुरू भयो। अरुण गुप्ताले आफ्नो स्कूटर एउटा कारको पछाडि राखेको थियो, जसलाई लिएर विवाद भयो। विवादबीच साव परिवारका अन्य सदस्यहरू पनि आए र बहसले उग्र रूप लियो।

यस क्रममा अरुण गुप्ता अचानक अस्वस्थ भए। परिवारले उनलाई तत्काल घर लिएर आए, जुन घटनास्थल छेउमा थियो। घर पुगेपछि उनको स्थिति निकै बि​ग्रियो र उनलाई तत्काल एनआरएस अस्पताल लगियो, जहॉं चिकित्सकहरूले उनलाई मृत घोषित गरिदियो।

मृतकको परिवारले अरुण गुप्तालाई ठेलेर नालीमा झारेको आरोप लगाउॅंदै यसै कारण उनको मृत्यु भएको दाबी गरेको छ। पुलिसले शिकायतको आधारमा राजेश र रविलाई हिरासतमा लिएर जॉंच शुरू गरेको छ।

हिन्दुस्थान समाचार / बिशाल