पाकिम, 28 जुलाई (हि.स.)। नाथाङ माचोङ निर्वाचन क्षेत्रकी विधायक एवं सामाजिक कल्याण विभागकी सल्लाहकार पामिन लेप्चाले आज छाङ्गु झीलको निरीक्षण गरिन्। छाङ्गु झील र वरपरका क्षेत्रहरूको वर्तमान अवस्थाको समीक्षा गर्न उनले निरीक्षण गरेकी थिइन्।
निरीक्षणको क्रममा विधायक लेप्चाले नाथाङ जीपीयूका जिल्ला पञ्चायत, छाङ्गुका पञ्चायत र हितधारकहरूसॅंग क्षेत्रको व्यवस्थापन र मर्मतसम्भारको बारेमा अन्तरक्रिया गरिन्। निरीक्षणपछि, उनी नाथाङ वार्डमा थेगु प्राथमिक पाठशाला खेल मैदान पुगिन्।
भ्रमणको उद्देश्य 79औं स्वतन्त्रता दिवस जेनरल सगत सिंह स्मारक खुल्ला फुटबल टुर्नामेन्टको उद्घाटन समारोहमा भाग लिनु रहेको बताइएको छ। कार्यक्रमको आयोजना छाङ्गु वार्ड नम्बर एकका युवाहरू र स्थानीयहरू गरेका हुन्। फुटबल प्रतियोगिता आयोजन गर्नुको उद्देश्य क्षेत्रमा फुटबल खेलको प्रवर्द्धन गर्नु र विभिन्न टोलीहरूको सहभागितालाई प्रोत्साहित गर्नु थियो।
उद्घाटन समारोहलाई सम्बोधन गर्दै विधायकले सामुदायिक संलग्नता र खेलकुदको विकासको लागि यस्ता कार्यक्रमहरूको महत्वमाथि प्रकाश पारिन्। आयोजक समितिले टुर्नामेन्टको बारेमा जानकारी गराएका थिए।
हिन्दुस्थान समाचार / बिशाल
28 Jul 2025
