गान्तोक, 28 जुलाई (हि.स.)। ड्रुक्पा छेजी पर्व, भगवान बुद्धले आफ्ना पाँच शिष्यलाई चार आर्य सत्यबारे पहिलो उपदेश दिएको दिन, को शुभ अवसरमा राजधानीको नील तारा विद्यालयका विद्यार्थीहरूले योगाचार्य सोनाली प्रधानको मार्गदर्शनमा एक अद्वितीय श्रद्धाञ्जली अर्पण गरे। विद्यार्थीहरूले भारत सरकारद्वारा महिलाहरूको सशक्तिकरणको लागि सञ्चालन गरेका चार प्रमुख योजनालाई प्रतीकात्मक रूपमा चार योगासनमार्फत कृतज्ञता व्यक्त गरे।
योग अर्पणमा वृक्षासन (ट्री पोज) ‘स्ट्यान्ड अप इन्डिया’ लाई समर्पित, सर्वाङ्गासन (सोल्डर स्ट्याण्ड) ‘विद्या लक्ष्मी’ लाई, पर्वतासन (माउण्टेन वी पोज) ‘उज्ज्वला योजना’ लाई, र नटराजासन (लर्ड अफ् डान्स पोज) ‘सुकन्या समृद्धि’ लाई प्रतिनिधित्व गरिएको थियो। यी आसनहरूले महिलाहरूको आर्थिक सुरक्षा, शिक्षा र सुरक्षा जस्ता उद्देश्य बोकेका योजनाहरूको भावना उजागर गरे।
जसरी योगले मन, शरीर र आत्मालाई सन्तुलनमा राख्छ, यस्तै योजनाहरूले महिलाहरूमा आत्मविश्वास, आत्मनिर्भरता र आर्थिक स्वतन्त्रता विकास गर्छन्। नील तारा विद्यालयका विद्यार्थीहरूको यो पहल लैङ्गिक समानता र #विकसितभारत@2047 को लक्ष्यतर्फको प्रेरणादायी कदम बनेको छ, जसले सांस्कृतिक सम्पदा र प्रगतिशील सामाजिक उद्देश्यलाई एकसाथ जोडेको छ।
हिन्दुस्थान समाचार / बिशाल
28 Jul 2025
