नयाँ दिल्ली, 01 अगस्त (हि.स.)। मालेगाउँ बम विस्फोट मामिलाको जाँच गरिरहेको एन्टी टेररिस्ट स्क्वाड (एटीएस) का पूर्व अधिकारी महबूब मुजावरको खुलासापछि भारतीय जनता पार्टी (भाजपा) ले कांग्रेसलाई लक्षित गरेको छ। भाजपाले भन्यो, कांग्रेसले मालेगाउँ मामिलामा भगवा आतङ्कवादको नेरेटिभ फैलाउने प्रयास गऱ्यो। हिन्दूहरूलाई अपमानित गऱ्यो।

भाजपा प्रवक्ता एवं सांसद डा. सम्बित पात्राले शुक्रवार पार्टी मुख्यालयमा प्रेस कन्फ्रेन्समा भने, हिजो मालेगाउँ मामिलामा कोर्टको जुन फसेला आएको छ, त्यसबाट यो नरेटिभ मिथ्य़ा प्रमाणित भएको छ। मालेगाउँ मामिलामा आज दुई नयाँ डेवलपमेन्ट भएको छ। मालेगाउ ब्लास्टमा जुन एटीएस थियो, जसले जाँच गरेको थियो, त्यसका एक अधिकारी महबूब मुजावरको एक खुलासा भएको छ, यो खुलासा छक्क पार्ने रहेको छ। दोस्रो- राहुल गान्धीको भनाईमा महाराष्ट्रका तत्कालीन मुख्यमन्त्री पृथ्वीराज चव्हाणको बयान।

उनले भने, महबूब विस्फोट मामिलाको जाँचको निम्ति गठित जाँच समितिको एक अहम हिस्सा थिए। उनले खुलासा गरेका छन्, उनका वरिष्ठ अधिकारीहरू र सरकारका वरिष्ठ नेताहरूले उनीमाथि 'भगवा आतङ्कवाद' को मुद्दालाई अघि बढ़ाउने र संघ प्रमुख मोहन भागवतलाई पक्राउ गर्न भारी दबाउ दिएका थिए। मोहन भागवतको नाम न त चार्जशीटमा थियो न त केसमै थियो।

संविधानलाई उद्धृत गर्दै महबूब मुजावरले मोहन भागवतलाई पक्राउ गर्न अस्वीकार गरे। महबूब मुजावरमाथि उनका वरिष्ठ अधिकारीहरूले केही गम्भीर आरोप लगाए, जसको परिणामस्वरूप उनको पदोन्नति रोकिदिइयो। पछि उनलाई अदालतले बरी गऱ्यो।

यसले तत्कालीन कांग्रेस-नीत संप्रग सरकारको प्रतिशोधात्मक रबैयालाई दर्शाउँछ। यो सब गान्धी परिवारको आदेशमा भइरहेको थियो।

सम्बित पात्राले भने, कांग्रेसले जुन प्रकारले देशमा भगवा आतङ्कवादको नरेटिभ फैलाउने प्रयास गरेको थियो र हिन्दूहरूलाई अपमानित गर्ने जुन प्रकार गान्धी परिवारको चेष्टा थियो। कतै न कतै तुष्टीकरणको राजनीति र भोटब्याङ्कको राजनीतिको कारण सनातन एवं हिन्दूहरूमाथि कुठाराघात गरिने गान्धी परिवारको तीव्र इच्छा थियो।

हिन्दुस्थान समाचार / भवानी थामी