गान्तोक, 26 सेप्टेम्बर (हि.स.)। सिक्किमका लोकसभा सांसद डा. इन्द्रहाङ सुब्बाले आज राज्यपाल ओमप्रकाश माथुरसॅंग राजभवनमा शिष्टाचार भेट गरे। यस भेटको क्रममा सिक्किमको विकासको बाटो, प्रमुख मुद्दाहरू, र जनताको लागि विकास र अवसरहरू बढाउन उन्नत कनेक्टिभिटीको आवश्यकतामाथि चर्चा भएको बताइएको छ।

सांसद सुब्बाले राज्यपालको मार्गदर्शन र दूरदृष्टिबाट सिक्किमलाई धेरै लाभ भएको बताए। राज्यपालको विशिष्ट सार्वजनिक सेवाले सिक्किम र यसका बासिन्दाहरूलाई सहयोग गर्ने हाम्रो संयुक्त प्रयासलाई निरन्तर प्रेरित गरिरहेको उनले बताए। सांसद सुब्बाले राज्यपाललाई दशैंको शुभ पर्वमा हार्दिक शुभकामना पनि व्यक्त गरे।

हिन्दुस्थान समाचार / बिशाल