सुन्दरनगर, 03 सेप्टेम्बर (हि.स.)। उपमण्डल सुन्दरनगरको ग्राम पञ्चायत चांबी अन्तर्गत जंगमबाग गाउँमा गए मंगलवार साँझ घना वर्षा भएको कारण भयानक पैह्रो गयो। यस पीड़ादायी घटनामा सातजना मानिसहरूको मृत्यु भएको पुष्टि भएको छ। एसडीएम सुन्दरनगर अमर नेगीले बताए, सूचना पाउनसाथ घटनास्थलमा पुगेको जिल्ला एवं उपमण्डल प्रशासनको टीमले राहत एवं बचाउ कार्य आरम्भ गऱ्यो। बचाउ कार्यमा एनडीआरएफ र एसडीआरएफका टीमहरूलाई तैनाथ गरिएको छ साथै आवश्यक मशिनरीको प्रयोग पनि गरिँदैछ।
उपायुक्त अपूर्व देवगन, पुलिस अधीक्षक साक्षी वर्मा सहित अन्य वरिष्ठ अधिकारी राहत एवं बचाउ कार्य अवधि उपस्थित थिए।
पैह्रोले दुई वटा घर (एउटा पक्का, एउटा कच्चा) पूर्ण रूपले क्षतिग्रस्त भएको छ भने एउटा पक्का घर आंशिक रूपमा प्रभावित भएको छ। यस अतिरिक्त दुईवटा स्कुटी र एउटा टाटा सुमो पनि अवशेषहरूमा पुरिएका छन्।
यस प्राकृतिक आपदामा सातजना मानिसहरूको ज्यान गएको छ जसमा जंगमबाग गाउँकी 30 वर्षीय भारती, पत्नी गुरप्रीत सिंह, 3 वर्षीय किरत पुत्री गुरप्रीत सिंह, 35 वर्षीय गुरप्रीत सिंह पुत्र सरवजीत सिंह, 56 वर्षीय सुरेन्द्र कौर पत्नी सरवजीत सिंह, 70 वर्षीय शान्ति देवी पत्नी शिव चन्द तथा खण्ड सुन्दरनगरको डढयाल गाउँका 64 वर्षीय ओम प्रकाश पुत्र हेत राम, गाउँ खतरवाड़का 25 वर्षीय राहुल पुत्र घनश्याम सामेल छन्।
हिन्दुस्थान समाचार / उष्णता छेत्री शर्मा
