सोमनाथ (गुजरात), ११ जनवरी (हि.स.)। प्रथम ज्योतिर्लिङ्ग सोमनाथ महादेवको सान्निध्यमा आयोजना गरिएको ‘सोमनाथ स्वाभिमान पर्व’ मा सहभागी हुन प्रधानमन्त्री नरेन्द्र मोदी सोमनाथ भ्रमणमा छन्। भ्रमणको दोस्रो दिन आज प्रधानमन्त्री मोदीले विशेष पूजा–अर्चनापछि १०८ अश्वसहित निकालिएको भव्य रोड शो अर्थात् ‘शौर्य यात्रा’ मा सहभागिता जनाए। प्रधानमन्त्री आज राजकोट र गांधीनगरका विभिन्न कार्यक्रमहरूमा पनि सहभागी हुनेछन्।

आधिकारिक विज्ञप्तिअनुसार, प्रधानमन्त्री मोदी बिहान सर्किट हाउसबाट सोमनाथ मन्दिर पुगे। उनले लगभग ३५ मिनेटसम्म सोमनाथ महादेवको पूजा–अर्चना गरे। त्यसपछि उनले शंख सर्कल पुगेर लगभग एक किलोमिटर लामो शौर्य यात्रामा सहभागी भए। त्यहाँबाट प्रधानमन्त्री सद्भावना ग्राउन्डस्थित सभास्थल पुगे।

१०८ प्रशिक्षित अश्वसहित आयोजना गरिएको यो शौर्य यात्रा भारतको पराक्रम, परम्परा र संस्कृतिको भव्य प्रतीकका रूपमा प्रस्तुत भए। यस यात्राले सोमनाथको इतिहासमा एक स्मरणीय अध्याय थपेको छ।

प्रधानमन्त्री मोदी दिउँसो १२:४५ बजी सोमनाथबाट राजकोटतर्फ प्रस्थान गर्नेछन्। राजकोटमा उनी मारवाडी विश्वविद्यालयमा आयोजना हुने सौराष्ट्र–कच्छ भाइब्रेन्ट समिटको उद्घाटन हुनेछन्। त्यसपछि उनी अहमदाबाद जानेछन्। अहमदाबाद विमानस्थलबाट प्रधानमन्त्री सड़क मार्ग हुँदै गांधीनगर पुग्नेछन्। गांधीनगरमा साँझ ५:१५ बजी महात्मा गान्धी मेट्रो स्टेशनको उद्घाटन गरी राति राजभवनमा विश्राम गर्नेछन्।

कडा सुरक्षा व्यवस्था

सोमनाथमा प्रधानमन्त्री मोदीको सुरक्षाका लागि कडा व्यवस्था गरिएको छ। सोमनाथका पुलिस अधीक्षक जयदीप सिंह जाडेजाका अनुसार प्रधानमन्त्रीको कार्यक्रमलाई ध्यानमा राख्दै जल, थल र नभ—तीनै तहमा सुरक्षा प्रबन्ध गरिएको छ। २,००० भन्दा बढी पुलिस कर्मी खटाइएको छ। साथै २० भन्दा बढी आईपीएस दर्जाका अधिकारीहरू, विभिन्न इन्स्पेक्टर तथा एसआई अधिकारीहरूको पनि ड्युटी लगाइएको छ।

---------------

हिन्दुस्थान समाचार / भवानी थामी