गाजियाबाद, 0२ अक्टोबर (हि.स.)। उत्तर प्रदेशको गाजियाबाद जिल्ला स्थित मसुरी थाना पुलिसले बिहिवार बिहान भएको पुलिस भिड़न्तका क्रममा दुई जना शातिर बदमाशलाई पक्राउ गरेको छ। पुलिसले चलाएको गोली एक बदमाशको खुट्टामा लागेको छ। दुवै बदमाशले २८ सेप्टेम्बरमा दिल्ली–बदायूँ मार्गमा गुड़िरहेको यात्रुवाहक बसमा गोली चलाएका थिए।
सहायक पुलिस आयुक्त मसुरी सुनील कुमार सिंहले 28 सेप्टेम्बरमा दिल्ली–मेरठ एक्सप्रेसवेमा हाइटेक स्कूलअगाड़ी दिल्लीबाट बदायूँतर्फ जाँदै गरेको यात्रुवाहक बसमा दुई बदमाशले गोली चलाएको बताए। यस घटनाका सम्बन्धमा मसुरी थानामा मुद्दा दर्ता गरिएको थियो। पुलिसले बदमाशहरूको खोजी गरिरहेको थियो।
उनले आज बिहान प्राप्त सूचनाका आधारमा मसुरी थाना पुलिस र स्वाट टोलीले गरेको पुलिस भिड़न्तपछि घटनामा संलग्न दुवै बदमाश अनस (२६) र नदीम (२३) लाई पक्राउ गरिएको बताए। पुलिसले चलाएको गोली अनसको खुट्टामा लागेको छ।
पुलिसले उनीहरूदेखि एउटा देशी पेस्तोल, एउटा तमन्चा, गोली तथा एउटा स्कूटी जफत गरेको छ। सोधपुछका क्रममा पक्रा परेका बदमाशहरूले बसमा गोली चलाएको स्वीकार गरेको पुलिसले जनाएको छ। उनीहरू विरुद्ध यसअघि पनि धेरैवटा मुद्दा दर्ता रहेको बताइएको छ।
/ बिशाल
