नयाँ दिल्ली, ०5 अक्टोबर (हि.स.) भारतीय जनता पार्टी (भाजपा) की नयाँ दिल्ली सांसद बाँसुरी स्वराज र नेता दर्शना जरदोशले 'सेवा सङ्कल्प' अभियान अन्तर्गत सोमवार दीन दयाल उपाध्याय मार्गमा निःशुल्क स्वास्थ्य जाँच शिविरको उद्घाटन गरिन्।

यस अवसरमा भाजपाकी सांसद बाँसुरी स्वराजले भनिन्, प्रधानमन्त्री नरेन्द्र मोदीले सार्वजनिक जीवनमा 25 वर्ष पूरा गरेको उपलक्ष्यमा सञ्चालन भइरहेको 'सेवा सङ्कल्प' अभियान अन्तर्गत आज दिल्ली प्रदेश भाजपाले दीन दयाल उपाध्याय मार्गमा यो सेवा शिविर आयोजना गरेको थियो।

बाँसुरी स्वराजले सबैलाई यहाँ आएर स्वास्थ्य जाँच शिविरको फाइदा लिन अपील गरिन्। उनले भनिन्, प्रधानमन्त्री नरेन्द्र मोदीले आफ्नो विकास नीतिको माध्यमबाट एक विकसित भारतसँगसँगै एक स्वस्थ भारतको सपना पनि देखेका छन्, त्यसैले स्वास्थ्यलाई प्राथमिकता दिइएको हो।

उनले भनिन्, प्रधानमन्त्री मोदीले धेरै वटा नीतिहरू ल्याए, चाहे जन औषधि केन्द्रहरू खोल्नु होस् वा आयुष्मान भारत जस्ता स्वास्थ्य बीमा योजना होस् जुन विश्वकै सबैभन्दा ठूलो स्वास्थ्य बीमा योजना हो र जसान्तर्गत लाभार्थीहरूले पाँच लाख रुपियाँसम्म निःशुल्क उपचारको सुविधा पाउँछन्, गर्भवती आमा र बहिनीहरूको हेरचाह गर्ने मातृ वन्दना योजना होस् वा भारतमा प्रसुति बिदालाई 12 हप्तादेखि बढ़ाएर 26 हप्ता बनाउनु होस्। यी सबै नीतिहरू प्रधानमन्त्रीले ल्याएका हुन्।

बाँसुरी स्वराजले अझ भनिन्, प्रधानमन्त्री मोदीले सबैभन्दा लामो समयसम्म जन प्रतिनिधिको रूपमा 'माँ भारती'को सेवा गरेका छन्।

हिन्दुस्थान समाचार / उष्णता छेत्री शर्मा