काठमाण्डौं, 0१ नोभेम्बर (हि.स.)। पश्चिमी नेपालको वरपर रहेको न्यून चापीय क्षेत्रको प्रभाव कमजोर हुँदै गएको छ। उक्त क्षेत्र चक्रवात अर्नबको अवशेषका रूपमा रहेको र यसको प्रभाव घट्दै गएसँगै नेपालमा मौसममा बिस्तारै सुधार हुँदै गएको छ।

मौसम पूर्वानुमान महाशाखा अनुसार, हाल लुम्बिनी प्रदेश सहित देशका पहाड़ी तथा हिमाली क्षेत्रमा सामान्यतया बादल लागेको छ भने अन्य भूभागमा आंशिक बदली रहेको छ। बागमती, गण्डकी, लुम्बिनी र कर्णाली प्रदेशका केही स्थानमा हल्का वर्षा भइरहेको छ।

महाशाखा अनुसार, आइतवार दिउँसो देशभरि आंशिक बदल छाइरहनेछ। हिमाली तथा पहाड़ी क्षेत्रका एक–दुई स्थानमा हल्का वर्षा र हिमपात हुने सम्भावना रहेको छ।

त्यसैगरी, आइतवार राति पनि देशभरि आंशिक बादल छाइरहने अनुमान गरिएको छ। गण्डकी, कर्णाली र सुदूरपश्चिम प्रदेशका हिमाली तथा पहाड़ी क्षेत्रका एक–दुई स्थानमा हल्का वर्षा र हिमपात हुनसक्ने महाशाखाले जनाएको छ।

हिन्दुस्थान समाचार / भवानी थामी