मुम्बई, 11 फरवरी (हि.स.)। फिल्म अभिनेता रणवीर सिंहलाई ह्वाट्सएपमा करोडौं रुपियाँ फिरौती मागेको धम्कीपूर्ण सन्देश आएको छ। मुम्बई पुलिसले रणवीरको आवासमा सुरक्षा बढ़ाएको छ। धम्की दिने अपरिचित व्यक्तिको पनि खोजी भइरहेको छ।

दादर पुलिस थानाका एक पुलिस अधिकारीले बुधवार बताए, रणवीरलाई व्हाट्सएपमा फिरौतीको माग गरिएको छ र फिरौती नतिरे ज्यानमारा धम्की पनि दिइएको छ। दादर पुलिस स्टेशनले रणवीरको आवास प्रभादेवी स्थित ब्यू मोन्डे रेसिडेन्शियल टावर वरपर सुरक्षा बढ़ाएको छ। मुम्बई क्राइम ब्रान्च र साइबर सेलले भोइस म्यासेजको अनुसन्धान गरिरहेको छ र प्रेषकको पहिचान गर्न डिजिटल फुटप्रिन्टको जाँच भइरहेको छ।

पुलिस अधिकारीले बताए, यो धम्की लरेन्स बिश्नोई गिरोहसँग जोड़िएको हुनसक्ने आशंका छ, जसमा ठूलो रकम मागिएको छ, जुन कथित रूपमा करोड़ौंमा छ।

यसअघि फिल्म निर्माता रोहित शेट्टीको घरबाहिर गोलीबारी गरिएको थियो। पुलिसले यस घटनामा संलग्न पाँच जनालाई पक्राउ गरेको छ। रोहित शेट्टीको घरमा भएको गोलीकाण्डको अनुसन्धानले अन्य धेरै फिल्मी हस्तिहरूलाई बलजफ्ती फिरौतीको धम्की दिएको खुलासा गरेको थियो तर त्यसबेला पुलिसमा कुनै उजुरी गरिएको थिएन।

हिन्दुस्थान समाचार / भवानी थामी