नयाँ दिल्ली, 11 फरवरी (हि.स.)। राष्ट्रिय मानव अधिकार आयोग (एनएचआरसी) ले 05 फरवरीमा मेघालयको पूर्वी जैन्तिया पहाड़को थाङ्स्काई क्षेत्रमा अवैध कोइला खानीमा विष्फोट हुँदा 18 मजदुरको मृत्यु भएको घटनाको स्वतः संज्ञान लिएको छ। यसलाई गम्भीर मानवाधिकार उल्लंघन भएको भन्दै आयोगले मेघालय सरकारलाई नोटिस जारी गर्दै 15 दिनभित्र जवाफ मागेको छ।

एनएचआरसीले बतायो, आय़ोगको सञ्चारमाध्यममा यस दुर्घटनाको जानकारी प्राप्त भएको छ। जसमा मानवाधिकारको गम्भीर उल्लंघन भएको देखिन्छ। त्यसैले प्रदेशका मुख्य सचिव र पुलिस महानिदेशकलाई नोटिस जारी गर्दै 15 दिनभित्र जवाफ माग गरिएको छ। प्रतिवेदनमा उद्धार कार्यको स्थिति, पीड़ित परिवारलाई दिइएको वा प्रस्तावित क्षतिपूर्ति, पुलिस अनुसन्धानको प्रगति र भविष्यमा यस्ता घटना दोहोरिन नदिनका लागि चालिएका कदमबारे जानकारी दिन माग गरिएको छ।

हिन्दुस्थान समाचार / भवानी थामी