काठमाडौँ, 14 फरवरी (हि.स.)। नेपालका सुनसरी जिल्लाको कोशी गाउँपालिका-जमुवाबाट जाली नोट, एक स्वचालित पेस्तोल र करिब १०० ग्राम ब्राउन सुगरसहित एक भारतीय नागरिक पक्राउ परेका छन्। निर्वाचन क्षेत्र सुरक्षा बेसका अनुसार, पक्राउ पर्ने व्यक्ति भारतको बिहार राज्यको अररिया जिल्लास्थित बेला ग्राम पञ्चायत निवासी ३६ वर्षीय राम खेलन पासवान हुन्।
उनी आज बिहान भारतीय सीमाबाट कोशीको जमुवातर्फ मोटरसाइकल (बीआर ५० एजे ४२२९) मा जाँदै थिए। शंका लागेपछि जाँचका लागि उनलाई नियन्त्रणमा लिइएको थियो। जाँचका क्रममा उनको साथबाट केही भारतीय तथा नेपाली मुद्रा, एक स्वचालित पेस्तोल, पेस्तोलका गोली र ब्राउन सुगर बरामद गरिएको छ। साथै अज्ञात लागूऔषधका ६ क्याप्सुल र निट्राजेपामका ५ वटा ट्याब्लेट पनि जफत गरिएको छ।
सीमा क्षेत्रमा निर्वाचन सुरक्षाका लागि खटिएको सशस्त्र पुलिस बल नेपाल (एपीएफ) को बीओपी श्रीपुर एकाईको टोलीले उक्त भारतीय नागरिकलाई पक्राउ गरेको हो।
---------------
हिन्दुस्थान समाचार / भवानी थामी
