पूर्व मेदिनीपुर, 16 फरवरी (हि. स.)। जिल्लाको नन्दीग्राम–एक र नन्दीग्राम–दुई ब्लकमा आयोजित ‘सेवाश्रय’ स्वास्थ्य शिविर औपचारिक रूपमा समाप्त भएपछि पनि चिकित्सा सेवा जारी छ। शिविरबाट रेफर गरिएका 14 जना रोगीहरूको निःशुल्क मोतीबिन्दु अपरेशन गराइयो। यो पहल तृणमूल कंग्रेसका राष्ट्रिय महासचिव एवं सांसद अभिषेक ब्यनर्जीको प्रयासबाट सम्पन्न भएको हो।

उल्लेखनीय छ, गत 15-देखि 30 जनवरीसम्म दुवै ब्लकमा मोडल स्वास्थ्य शिविर राखिएको थियो। शिविरमा ठूलो संख्यामा बुजुर्गहरूको आँखाको जाँच गरियो जसमध्ये कतिपय रोगीहरूलाई विशेष उपचार तथा मोतीबिन्दुको सर्जरी गराउने सल्लाह दिइएको थियो। यहाँबाट रेफर गरिएका 14 जना रोगीहरूको एक निजी नेत्र चिकित्सालयमा निःशुल्क अपरेशन गरियो।

नन्दीग्राम–2 की आरती बेराको शिविरमा जाँच गर्दा आँखामा गम्भीर समस्या पाइएको थियो। उनलाई उन्नत उपचारको निम्ति रेफर गरियो जहाँ उनको सफल लेजर सर्जरी गराइयो।

अभिषेक ब्यनर्जीले सोशल मीडिया मञ्च एक्समा पोस्ट गरी भने, नन्दीग्रामका जनताले उनीमाथि जुन विश्वास देखाएका छन्, त्यसलाई निभाउनु उनको दायित्व हो। उनले बताए, ‘सेवाश्रय’ शिविरको माध्यमबाट सामान्य जाँचदेखि विशेषज्ञ उपचार औ फलो-अप चिकित्साको व्यवस्था समेत गरिएको थियो।

उनले संकेत दिए, भविष्यमा नन्दीग्राम विधानसभा क्षेत्र अधिनस्थ प्रत्येक क्षेत्रमा यस्तै मोडल स्वास्थ्य शिविर आयोजना गरिनेछ।

हिन्दुस्थान समाचार / उष्णता छेत्री शर्मा