सिलगढ़ी, 16 फरवरी (हि. स.)। नोकरीको माग औ बेरोज़गारी भत्ताको विरोधमा भारतीय जनता पार्टी (भाजपा)-द्वारा सोमवार सिलगढ़ीमा नगरनिगम अभियान निकालियो। यस अभियानमा दार्जीलिङ जिल्ला भाजपा सांसद राजू बिष्ट सहित सिलगढ़ीका विधायक शंकर घोष, नगरनिगमका पार्षद तथा सयकड़ौं कार्यकर्ताहरू सामेल भए। पार्टी कार्यालयबाट शुरू भएको भाजपाको ऱ्याली सिलगढ़ी नगरनिगमसम्म पुग्यो जहाँ पहिलाबाटै तैनाथ पुलिसले ऱ्यालीलाई रोक्यो। यस अवधि सामान्य धक्का-मुक्काको घटना घट्यो जसबाट नगरनिगम क्षेत्रमा केही समयसम्म तनाउपूर्ण स्थिति भयो। तथापि कुनै ठूलो अप्रिय घटना भने भएन।

दार्जीलिङ जिल्ला भाजपा सांसद राजू बिष्टले भने, राज्य सरकारले वास्तविक रोजगारको अवसर सृजना गर्नको सट्टा बेरोजगारी भत्ता दिएर युवाहरूलाई भ्रमित पारिरहेको छ। उनको भनाइ छ, उद्योग विकास र भर्ती प्रक्रियामा पारदर्शिताको अभाव छ। स्थायी रोजगार सृजन तथा नियुक्तिहरूमा भ्रष्टाचारमाथि रोक लगाउने माग गर्दै यो कार्यक्रम आयोजना गरिएको थियो। दिनभरि चर्काचर्की पश्चात अन्ततः स्थिति सामान्य भएको छ। प्रशासनले शान्ति कायम राख्ने अपील गरेको छ।

हिन्दुस्थान समाचार / उष्णता छेत्री शर्मा