नयाँ दिल्ली, ०९ फरवरी (हि.स.)। दुई पटककी ओलम्पिक पदक विजेता मनु भाकरले एशियन सुटिङ च्याम्पियनशिपको २५ मिटर स्पोर्ट्स पिस्टल स्पर्धामा अत्यन्तै नजिकको प्रतिस्पर्धामा स्वर्ण पदक गुमाउनु पर्यो। फाइनलमा मनु र भियतनामकी गुयेन थुई ट्राङ दुवैले ३५-३५ हिट्स गर्दै बराबरी गरेपछि शूट-अफ गराइएको थियो। शूट-अफमा थुई ट्राङले एक अतिरिक्त हिट गर्दै स्वर्ण पदक आफ्नो नाममा गरिन्।
यो प्रतिस्पर्धा नयाँ दिल्लीस्थित डा. कर्णी सिंह सुटिङ रेञ्जमा सम्पन्न भयो। भारतकी ईशा सिंहले ३० अङ्कसहित कास्य पदक जितिन्, भने आठ सुटर सहभागी फाइनलमा रिदम सांगवान २७ अङ्कसहित चौथो स्थानमा रहिन्।
यद्यपि व्यक्तिगत स्पर्धामा स्वर्ण पदक चुक्न पुगे पनि भारतले टिम स्पर्धामा ठूलो सफलता हासिल गर्यो। मनु भाकर, ईशा सिंह र रिदम सांगवानको टोलीले कुल १७५१ अङ्कसहित टिम स्वर्ण पदक जित्दै देशको नाम उज्जवल गरेका छन्।
---------------
हिन्दुस्थान समाचार / भवानी थामी
